Txertaketa legez arautzea eskatu dute, egoitzetako langileen txertaketan aurrera egiteko
Batik bat adinekoen egoitzetan diharduten langile soziosanitarioen txertaketak hautsak harrotu ondoren, ELA sindikatuak lege aldaketa baten alde egin du txertatze prozesuan aurrera egiteko, eta gogora ekarri du erantzukizuna "birusa erauztea barik berarekin batera bizitzea" erabaki duten gobernuena dela.
ELAren ustez, txertatze prozesua populazio osoaren osasuna kontuan hartuta egin behar da, txertoa hartzeak eta ez hartzeak pertsona bakoitzarengan ez ezik gizarte osoan ere baititu ondorioak.
Hori dela eta, sindikatuak egokitzat jo du gizarte osoa txertatzea, batik bat osasun aldetik zaurgarriak diren pertsonekin lan egiten dutenak, baina, bere ustez, txertaketa hori derrigortzea botere publikoei dagokie; eurek egin behar dute lege erregulazioa, eta "ez dute egin nahi izan". Nolanahi den, arautzeko bidean aurrera egitearen alde agertu da ELA.
Horrez gain, sindikatuak salatu du egoitzen eta beste zerbitzu publiko batzuen arduradunak sektore horretako langileak "kriminalizatzen" saiatu direla. ELAren arabera, horixe egin du Ramiro Gonzalez Arabako ahaldun nagusiak egoitzetako langileekin, txertoa jaso ez duten langileek egoitzetan lan egitea debekatzeko lege babesa eskatuta.
ELAren hitzetan, "fokua langile hauen gainean jarri nahi duten horiek babes egokirik gabe utzi zituzten hasieratik", covid-19aren aurrean.
"Lege bat"
Cinta Pascual Pertsonen Arretarako Enpresen Espainiako Elkartearen presidenteak ere langile soziosanitarioen txertaketa derrigortzearen alde egin du "Boulevard" Radio Euskadiko saioan.
"Italian, Frantzian eta Erresuma Batuan egin duten bezala, Gobernuak lege bat ezartzea eta horrela pertsona zaurgarriekin lanean ari direnek txertoa hartu behar dutela esatea" proposatu du elkarte horrek.
"Ez dago premiarik"
Prentsaurrekoan, Jose Luis Quintas Eusko Jaurlaritzako Osasun sailburuordeari ere galdetu diote langile soziosanitarioak txertoa jasotzera derrigortzeko auziari buruz, eta esan du gaia "testuinguruan kokatu" behar dela.
Quintasen hitzetan, "minimoa" da txertoa jaso ez duten langile soziosanitarioen ehunekoa Araban, Bizkaian eta Gipuzkoan: "Oso gutxi dira gure inguruko herrialdeekin alderatuta".
Sailburuordeak adierazi du Eusko Jaurlaritzak ez duela tresna juridikorik inor txertoa hartzera behartzeko eta ez dagoela horretarako premiarik ere.
"Ez da lehentasuna"
SATSE erizainen sindikatua ere ez da txertoa derrigor jarri beharraren aldekoa, berorren arduradunek uste baitute osasun langile gehien-gehienek arduratsu jokatu dutela: "Txertaketa legez ezartzea ez da lehentasuna, gure ustez. Osasun langileek erakutsi duten erantzukizunari nahikoa irizten diogu".
Zure interesekoa izan daiteke
Migratzaileek helmuga berri baterainoko bidea azaldu dute
Azaldu dutenez, askok saiakera bat baino gehiago egin behar izan zituzten aurreikusitako helmugara iritsi aurretik. Migratzaile batzuek egoera berean dauden beste pertsona batzuekin egiten dute ibilbidea.
Martxoaren 3ko biktimak gogoan, zapi beltzak jantzi dituzte blusek eta neskek
Jaiak eta memoria ekimenaren barruan, Martxoaren 3ko sarraskian hildako bost langileak eta ehunka zaurituak gogoratu dituzte gaur Gasteizko Andre Maria Zuriaren festetan. Jendetza batu da Katedral Berriaren atarian egin duten oroimen ekitaldian.
Abuztuaren 12an eguzki eklipseaz segurtasunez gozatzeko aholkuak
Ahal den guztietan bidaia luzeak saihestea da gomendio nagusia. Eklipsea bizilekutik edo ikuspen-baldintza onak dituen gertuko udalerri batetik ikus badaiteke, hobe da horren alde egitea, gehiegizko joan-etorriak murrizteko.
Itsuek eklipsea "entzun" ahal izango dute, ONCEk jarriko dituen gailue batzuei esker
LightSound dispositiboa soinu bihurtzen du argiaren intentsitatea, eta abuztuaren 12ko fenomeno astronomikoa behatzeko gune batzuetan egongo da eskuragarri.
Gizon batek bikotekide ohia, 44 urteko emakume bat, hil du Murtziako merkataritza-gune batean
Halaber, 45 urteko emakume bat hiltzeagatik Benahavisen (Malaga) atxilotutako gizonak aitortu du hiltzailea dela, ihesaldian idatzi eta lagun baten etxeko atarian utzi zuen ohar batean. Horrek idatzia aurkitu eta Guardia Zibilari eman dio.
Gaztelugatxerako sarbideak itxita egongo dira eklipsearen egunean, arratsaldetik aurrera
Natur gunearen inguruan jendetza biltzea espero da, fenomeno astronomikoa ikusteko. Hori dela eta, segurtasun operatibo berezia aktibatuko dute Bizkaiko Aldundiak eta Bakioko eta Bermeoko udalek.
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.