Igorreko Udalak loteriaren saria kobratu ez dutenen arazoa konpontzea espero du eta 109 saridunek salaketa aurkeztu dute dagoeneko
Pasa den abenduaren 22an poztasuna zena haserre bihurtu da Arratiko Zekorrak errugbi taldearen loteria erosi zuten askorentzat. Lau hilabete geroago, Gabonetako Loteriaren hirugarren saria kobratu ezinik jarraitzen dute saridunetako askok, eta, klubak onartu du dezimoak baino partizipazio gehiago erosi zituela eta astelehenera arte ez zirela akatsaz konturatu.
Eusko Jaurlaritzako Segurtasun Sailak jakinarazi duenez, saria kobratu ez duten 109 lagunek salaketa aurkeztu dute dagoeneko. Ertzaintzak ikerketa abiatu du Igorreko errugbi taldeak iruzurra egin ote duen argitzeko.
Igorreko Udalak adierazpen instituzionala argitaratu du ostiral honetan, loteriaren saria kobratu ez dutenen egoerak herrian sortu duen kezka, zalantza eta ondoezaren jakitun dela adieraziz.
Loteriaren saria kobratu ez dutenentzat konponbide egokia aurkitu dadila espero du Igorreko Udalak, beti ere, erantzukizunetik, gardentasunetik eta kaltetu guztien eskubideen errespetutik abiatuta. Horrekin batera, herrira lasaitasuna itzultzea espero du.
Atzo, hurrengo pausoak erabakitzeko Igorren egin zuten bileran, egonezina eta haserrea ziren nagusi kaltetuen artean.
Arratiko Zekorrak taldeak saldutako loteria txartelen auzian kaltetutakoen artean ziurgabetasuna eta haserrea da nagusi
Zure interesekoa izan daiteke
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasun-mezu bat helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeheraren aurrean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri-epaimahaia eta astelehenean hasiko da epaiketa bera, aurretiazko gaiekin. Fiskaltzak eta akusazioak 22 eta 25 urte arteko kartzela-zigorra eskatzen dute.
10 salaketa Duranako ikastolako ikasturte amaierako bidaian adingabeei egindako ukituengatik eta estupefazienteak emateagatik
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Une honetan, zenbait adingabe eta lekukori deklarazioa hartzen ari dira, bidaiari asko zihoazelako itsas bidaian.
52 apaizek Juan Carlos Elizalde gotzaiaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzaiak. Elizaldek, bere aldetik, esan du apaiz batzuek “denbora gehiegi” dutela “inkordiatzeko”.
Albiste izango dira: Duranako ikasturte amaierako bidaia, hantabirus agerraldia gurutzaontzian eta Igorren loteriaren saria kobratu ez dutenak
Gaurkoan Orain-en albiste izango direnen laburpena, bi hitzetan.
Dagoeneko 107 dira Arratiko Zekorrak taldeak saldutako loteria txartelen auzian salaketa jarri duten herritarrak
Behar baino 225 partaidetza gehiago saldu zituela aitortu du Arratiko Zekorrak errugbi taldeak. 2,2 milioi euroko zuloa dago, saritutako txartel bakoitzari 9.600 euro dagozkio eta. Kaltetuak plataforma batean elkartzekotan dira.
Arratiko Zekorrak taldeak saldutako loteria txartelen auzian kaltetutakoen artean ziurgabetasuna eta haserrea da nagusi
Igorreko errugbi klubari loteria-partaidetzak erosi eta Gabonetako zozketan sarituak gertatu ostean, dagozkien diru-kopurua jaso ez duten kaltetuek haserre eta ziurgabetasun handiz bizi dute egoera. Dagoeneko salaketak jarri dituzte, eta gehienek uste dute iruzur egin dietela.
Duranako Ikasbidea Ikastolako ikasbidaia batean hainbat neskari edalontzietara droga bota zieten ikertzen ari dira
EITBk jakin ahal izan duenez, Mediterraneoan barrena gurutzaontzi batean bidaiatu zuten gazteek, eta barkutik bertatik gazteek familiei egindako deiek piztu zituzten alarmak. Uste dute hainbat neskei edarira substantziaren bat bota zietela.
Guardia Zibilak berretsi du Maialen Mazonen arrisku egoera "muturrekoa" zela
Maialen Mazonen hilketa argitzeko epaiketaren laugarren egunean, ustezko hiltzailearen amak deklaratu du. Adierazi du semea "egoera normalean" ez dela halakorik egiteko gauza.