Zinemaldia: Depp ez dute indarkeria matxistagatik akusatu edo zigortu
Johnny Depp AEBko aktore eta ekoizleari Donostia Saria ematearen erabakia defendatu du berriro Zinemaldiak, oraingo honetan ohar bidez. Izan ere, kritika ugari jaso ditu zinema jaialdiak, besteak beste, Emakume Zinemagile eta Ikus-entzunezkoetakoen Elkartearen, (H)emen elkartearen eta EH Bilduren ahotik, saria tratu txarrak leporatuta borroka judizial batean murgilduta den aktore bati emateagatik. Horri erantzunez, Zinemaldiak esan du errugabetasun presuntzioari heldu behar diola, Depp ez baitute indarkeria matxistagatik atxilotu, akusatu edo zigortu.
"Etikaz hitz egin dezagun" izenburupean, Jose Luis Rebordinos Zinemaldiko zuzendariak sinatutako oharra desberdintasunaren, larderiaren eta indarkeria matxistaren aurkako konpromisoa berretsiz hasten da.
Zinemaldiak Parekidetasun eta Inklusio Gutunaren konpromisoak betetzen dituela adierazi du Rebordinosek: "arloetako buruzagitzan emakume profesionalen presentzia nahita sustatu dut".
Gainera, irailean eta urte osoan zehar, egitarauaren bidez, "gure gizartea zalantzan jartzen dugu, ikuspuntu kritiko eta feminista batetik", erantsi duenez.
Zinemaldiko zuzendariaren hitzetan, "emakumeentzako giro seguruak sortzen" saiatu dira lanpostuetan eta jaialdiko egoitzetan, eta "jokabide desegokien aurrean, eman direlako"; "azkar eta irmo" erantzun dute.
Hala ere, "Zinemaldiaren konpromiso etikoak ezin dira gizarte patriarkal batean emakumearen arazoetara mugatu, nahiz eta bizi dugun egoera ikaragarria izan, urtero ehunka emakume hiltzen dituztelako krimena matxistatan", onartu duenez.
Horregatik, "sare sozialen lintxamendu garaian", Zinemaldiak "gure kulturaren eta ordenamendu juridikoaren funtsezko oinarriak defendatuko ditu beti: errugabetasun presuntzioa eta birgizarteratzeko eskubidea".
Zentzu horretan, "Depp ez du inongo jurisdikziorik auziperatu, ezta emakumeen aurkako indarkeriagatik zigortu ere", gogorarazi du. "Edozein indarkeria edo abusuren aurkako jarrera eta errugabetasun presuntzioa gure oinarri etikoen parte dira, eta izango dira", azpimarratu du.
Albiste gehiago gizartea
Babarrun usainak Balmaseda bete du, urtero bezala, putxera lehiaketagatik
Aurten, errekorra hautsi dute eta 231 parte-hartzaile izan dira lehian indaba onenaren tituluagatik. Goizean zehar haizea izan da, baita euria tarteka ere, baina jai-giroari arazorik gabe eutsi diote herritarrek.
Bilboko gazte bat ikertzen ari dira, TikTok bidez makila-estokeak fabrikatu eta saltzeagatik
Bilboko Udaltzaingoak izapideak ireki ditu San Adriango bizilagun baten aurka. 33 urteko gizonak makila-estokeak fabrikatu eta saltzen zituela zabaltzen zuen sare sozialetan, bideoen bidez.
Benjamin borraskak hainbat intzidentzia eta gorabehera eragin ditu, gehienak errepideetan
Kamioi batek artaziarena egin du N-1ean, Villabona parean, eta errepidea itxi behar izan dute Donostiara bidean. 09:00ak aurretik ezbeharra izan duen Ibilgailua erretiratu dute. Halaber, haize-ufada zakarren ondorioz, zuhaitz bat bidera erori da Meñakan, eta BI-631 errepidea guztiz itxi dute, Bermeora bidean.
45 urte Ortuellako tragediatik, oraindik sendatu ez den zauria
1980ko urriaren 23an, 50 adingabe eta 3 heldu hil ziren Marcelino Ugalde ikastetxe publikoan, gas-leherketa batean. Eskola jada ez da existitzen, baina tragedia haren minak oroimenean irauten du, 45 urte geroago.
Sute izugarri batek Zumaiako baserri bat erre du
Ez da inor zauritu, eraikina hutsik zegoelako. Suhiltzaileak bertaratu dira, sutea itzalitzeko eta sutea zerk eragin duen jakiteko. Zumaia eta Getaria lotzen dituen N-634 errepidea itxi behar izan dute, garrak itzali arte.
Eusko Jaurlaritzak jarduera fisikoa eta ongizatea sustatzeko Mugiment Mahaia aurkeztu du
Mugiment Mahaiaren helburua aldaketa soziala sortzea da, sinergiak sortuz eta modu koordinatuan lan eginez.
Gasteizko Judimendi parkeko lanak geldiarazi dituzte, aztarna arkeologikoak aurkitu dituzte eta
Hezur-hondarrak aurkitu zituzten tirolina eta beste jolas batzuk jartzeko lanak gauzatzen ari ziren bitartean.
EHUko Arabako campusa kerik gabeko lehen unibertsitate eremu bihurtu da
Kerik Gabeko Guneen Sarearekin bat egin duen lehen unibertsitate-eremu bihurtu da Euskal Herriko Unibertsitatearen Arabako campusa. Sarea 2021ean sortu zuen Eusko Jaurlaritzak, Euskadiko foru-aldundiekin eta udalekin lankidetzan, eta, besteak beste, tabakoa eta horren deribatuak (lurrungailuak, esaterako) kontsumitzen hastea prebenitzea eta zigarrokinek eragindako kutsadura saihestea du helburu.
Osakidetzak txertaketa-zentro bat jarriko du Bilbon, gripearen aurkako txertoa aldez aurreko hitzordurik gabe jasotzeko
Ostiral honetatik aurrera, Bilboko Casillako pabilioian 15 postu jarriko dituzte, herritar guztiek, 08:00etatik 20:00etara, gripearen aurkako txertoa jartzeko, aldez aurretik hitzordua eskatu beharrik gabe, pandemian egin zuen bezala.
Leticia Landa estatubatuarrak irabazi du Basque Culinary World Prize 2025 saria
Joan Roca buru izan duen epaimahaiak Landa saritzea erabaki du, La Cocina proiektuan egin duen lanagatik. San Frantziskon (AEB) sukaldaritza munduan sartu nahi duten eta bazterketa-egoeran dauden komunitateetako talentudunei zuzendutako proiektua da.