Ertzaintzak bi gizon atxilotu ditu Bilbon, etxebizitzetan lapurretak egitea leporatuta
Ertzaintzak talde kriminal espezializatu bateko ustezko kide diren bi gizon atxilotu ditu Bilbon, udan hutsik zeuden etxebizitzatan indarrez lapurreta egitea leporatuta. Ikerketari esker argitu ahal izan dituzte Bilbon egindako hainbat lapurreta eta Portugaleten egindako hiru.
Bizkaiko Ikerketa Kriminaleko Zerbitzuaren ikerketaren arabera, bi atxilotuak Euskadin sartzeko eta, etxeetan indarrez lapurreta egin ondoren, Euskaditik irteteko mugikortasun handia duen talde ibiltari bateko kideak lirateke.
Azken asteotan susmagarriei jarraitu izanari esker egiaztatu ahal izan dituzte ikertzaileek bien mugimenduak, eta ikusi ahal izan dute kontra-zaintzako neurriak hartzen zituztela hautematea zailtzeko. Atxilotu aurreko ikerketetan, horietako bi Getxoko higiezin batean aurkitu zituzten, etxeren batera sartu aurretik.
Bi gizonak ostiralean, abuztuaren 13an, atxilotu zituzten Bilbon, eta, horren harira, inplikatutako pertsonekin zerikusia duen etxebizitza batean sartu eta miaketa egin dute, eta hainbat ebidentzia aurkitu dituzte bertan.
Bestalde, bi inplikatuak atxilotu aurretik, frogak ezkutatzeko Zorrotzan hesi baten gainetik bota zuten motxila bat berreskuratu zuten. Motxilan horrelako taldeek ateak irekitzeko erabili ohi dituzten tresnak aurkitu zituzten ertzainek, besteak beste, gakordeak, labanak eta atearen zirrikitutik sartuz sarrailak irekitzeko plastiko gogorrak. Lapurtutakoak izan zitezkeen bitxiak ere aurkitu zituzten motxilan.
Polizia-operatiboetan, besteak beste, lapurtutako bitxiak hauteman dituzte, eta horietako batzuk oraindik ez dituzte identifikatu legezko jabeek.
Ikerketari esker jakin dute objektu eta bitxietako batzuk uztailean eta abuztuan Bilbon eta Portugaleten egindako lapurretetan eskuratu zituztela. Ertzaintzak ikertzen jarraitzen du bitxiak identifikatzeko eta lapurretekin lotzeko, horietako batzuen jatorria oraindik ezin izan baita argitu.
Atxilotuak 37 eta 39 urteko bi gizon dira, eta Ertzaintzak agintari judizialaren esku utzi ditu.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.