Hondarribiko hondartzan bainatzea debekatu dute, ura kutsatuta dagoelako
Eusko Jaurlaritzako Osasun Publikoko Zuzendaritzak eta Uraren Euskal Agentziak debekatu egin dute Hondarribiko hondartzan bainatzea, uren kalitatearen ohiko analisiei esker hauteman baitute Hondarribiako hondartzan araudian ezarritako kalitateko irizpide mikrobiologikoak ez direla betetzen une honetan. Ondorioz, "prebentzioz eta aldi baterako", hondartza horretan bainua debekatuta dagoela adierazten du Osasun Sailak. Jarduketa-protokoloa aktibatu dute Osasun Sailak eta Uraren Euskal Agentziak (URA).
Kutsaduraren jarraipena egiteko protokoloa abiarazi dute eta gertakariaren berri eman zaie, halaber, gai horretan eskumena duten gainerako erakundeei: Uraren Euskal Agentzia, Gipuzkoako Foru Aldundia, Txingudiko zerbitzuak eta Hondarribiako Udala, dagozkien prozedurak has ditzaten. SOS Deiak Zerbitzua ere jakinaren gainean jarri dute.
Uraren Euskal Agentziak ikerketa-prozedurari ekin dio kutsaduraren jatorria detektatzeko eta, behar izanez gero, neurri egokiak zehazteko. Osasun Sailak, bere aldetik, egunero jarraituko du hondartzako uraren kalitatea aztertzen, harik eta gertakaria amaitu arte, eta emaitzen berri emango du.
Albiste gehiago gizartea
Zer hartzen dute Iruñean sanferminetako ohiko hamaiketakoan?
Eguraldia eta umore ona lagun, jende andana bildu da Alde Zaharrean. Iruindarrak bapo-bapo jarri dira arrautza frijituekin, txistorrarekin, tortillarekin, urdaiazpikoarekin eta, jakina, kalimotxoa edo sangria bezalako edariekin. Familiak eta lagun kuadrilak Iruñeko kaleetan eta tabernetan elkartu dira, ohiko hamaiketakoan, indarrak hartzeko.
Palestinarekiko elkartasun mezua "esan beharra nuen" esan du txupinazoko protagonistak
Yala Nafarroa Palestinarekin plataformako ordezkariek "Stop genocide" eta "Free Palestine" oihukatu dute sanferminetako txupinazoan, protokoloa hautsiz. Bat-bateko ekintza horrek ordezkari politikoen erreakzioa ekarri du.
"Busti Zaitez" esklerosi anizkoitzaren gainean sentsibilizatzeko kanpainak 25 urte bete ditu
Esklerosi anizkoitza duten pertsonei elkartasuna adierazteko eta euren errehabilitazio-zentroetarako dirua biltzeko helburuz, ehunka pertsona "bustitu" dira Getxoko Ereaga hondartzan.
Eusko Legebiltzarraren 45. urteurrena ospatzeko emanaldi berezia izan da Donostiako Kursaalen
Kontzertu berezia antolatu du Eusko Legebiltzarrak urtemuga ospatzeko. Bakartxo Tejeria lehendakaria buru duen Eusko Legebiltzarreko Mahaia, Imanol Pradales Eusko Jaurlaritzako lehendakaria, sailburuak, diputatuak eta alderdietako ordezkariak izan dira Donostian.
Elkartasunaren txupinazoak eman die hasiera 2025eko sanferminei
Palestina gogoan, Yala Nafarroako ordezkariek kufiyak lepoan zituztela bota dute suziria. 12:01 zirenean, Palestinaren askatasunaren oihuarekin batera lehertu da suzia Iruñeko zeruan, eta horrekin batera egin du eztanda festak.
Pertsona bat atxilotu dute sanferminetako txupinazoaren aurretik, Udaltzaingoak Santo Domingon kargatu ostean
Udaltzainek esku behar izan dute gazte-talde handi bat Udaletxe Plazara indarrez sartzen saiatzen ari zelako, polizia-hesia apurtuz eta sarbidea itxita zegoenean. Atxilotutako pertsonari desordena publikoak eta agenteen aurkako atentatua leporatu diote. Radio Euskadik grabatutako irudiak.
Panticosako bainuetxeko errepidea berriz ireki dute
Ostegunetik zegoen itxita, errepidera harriak eta lurra erori baitziren, ur-zaparrada batek eraginda.
Herriko saltokien aldeko txupinazoarekin hasi dira Lesakako sanferminak
Gurekin Zerbitzu Elkarteak bota du aurtengo txupinazoa, Udalaren hitzetan, "urtean zehar denda eta zerbitzu txikiek egindako ekarpena eskertzeko". Uztailaren 12ra arte luzatuko dira Lesakako sanferminak.
Deban N-634 errepidean itxitako erreietako bat astelehenean irekiko dute
Errei bat irekiko dute, semaforoz araututa txandaka pasatzeko. Hala ere, aurreikuspenen arabera, azaroan irekiko dute erabat bidea, lanak amaitutakoan.
204 orduko etenik gabeko festa abiatu du txupinazoak Iruñean
Kostata baina txupina bota du aurten Palestinaren aldeko Yala Nafarroa plataformak. 2025eko sanferminak uztailaren 14ra arte luzatuko dira, tradizioz, musikaz eta kulturaz betetako egitarau zabala eskainita.