Elorriok sarrera mugatu die udalerrian bizi ez diren pertsonei, jende-pilaketak saihesteko
Elorrion (Bizkaia) bizi ez diren pertsonei sarrera mugatzea erabaki du Udalak, koronabirusak eragindako pandemiaren ondorioz jende-pilaketak saihesteko helburuarekin.
Udalak ohar batean azaldu duenez, neurri murriztailea irailaren 4an, 5ean, 6an, 10ean eta 11n egongo da indarrean. Horrela, gau osoan zehar, ibilgailuentzako sarrera mugatuko da, eta Elorrion bizi diren pertsonak edo horiek garraiatzen dituzten ibilgailuak bakarrik sartu ahal izango dira. Larrialdi, segurtasun eta udal-zerbitzuetarako ibilgailuak ere sartu ahal izango dira.
Hain zuzen ere, goizaldean izandako istiluen ostean hartu du erabaki hori Udalak. Segurtasun Sailak jakitera eman duenez, jende pilaketa handia zegoen eta bertan zeuden gazte batzuek botilak eta harriak jaurti dizkiete agenteei. Zehazki, 18 eta 28 urte bitartekoak dira atxilotuak, eta desordena publikoa egotzi diete.
Elorrioko Udalak duela hilabete batzuk ospakizunak bertan behera uztea erabaki zuen, baina iaz bezala, kultur-programa bat antolatu zuen irailean zehar, "herri eta kultura bizi baten alde eginez".
"Udaltzaingoak jakinarazi digu gaua giro lasaian eta normaltasunez igaro dela, istiluak izan diren arte", azaldu du Udalak.
"Ez dugu gertatutakoaren datu zehatzik, istiluak, atxiloketak eta kalte materialak izan direla jakin dugu. Udaletik ez gatoz bat horrelako jarrerekin, eta norbanakoaren eta taldearen erantzukizuna azpimarratzen jarraitzen dugu ", gaineratu du alkateak.
Zure interesekoa izan daiteke
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da.
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.