Bizkaibusek Lekeitiorako zerbitzuak murriztuko ditu, Antzar Eguna ez delako ospatuko
Bizkaibusek Lekeitiorako zerbitzuak murriztuko ditu asteburu honetan, Antzar Eguna ez delako ospatuko, herriko udalak egindako eskaera aintzat hartuz. Hala, larunbateko 17:45etatik igandeko 15:30etara, zerbitzu guztiak eten egingo dira.
Hala, murrizketek irailak 4 eta 5 bitartean izango dute eragina, herriak dituen hiru lineatan: A3512 Bilbao - Lekeitio (Autopistatik), A3513 Bilbao-Hospital Galdakao Ospitalea-Gernika Lumo-Ea-Lekeitio eta A3523 Bilbao-Hospital Galdakao Ospitalea-Gernika Lumo-Aulesti-Lekeitio.
Larunbatean, Lekeitio helmuga duten zerbitzu guztiak eten egingo dira 17:45ak arte. Horiek igandeko 15:30etan jarriko dira martxan berriro ere. Hala ere, linea guzti hauek ez dira herrira helduko, nahiz eta ohiko ordutegiak berreskuratu.
Hain zuzen ere, igandean, A3512 lineak Bilbao eta Markina Xemein arteko ibilbidea bakarrik egingo du. Hala ere, 15:30etatik Lekeitiotik abiatuko da. A3513 lineak, aldiz, Bilbao eta Elexalde – Ispaster ibilbidea bakarrik egingo du, 15:30ak arte. Azkenik, A3523 lineak Bilbao eta Gizaburuaga ibilbidea bakarrik egingo du hasiera-hasieratik, 15:30ak arte.
Udalaren eskaera
Koldo Goitia alkateak abuztuaren 27an informatu zuen udalak herriko sarrerak eta irteerak itxiko autoentzako itxiko zituela, erroldatuentzako bakarrik utziz, eta irailaren 5ean garraio publikoak ere bertan behera utziko zituztela. Horrela, Bizkaibusek udalak egindako eskaera aintzat hartu eta Lekeitioko zerbitzuak murriztu egindo ditu.
Udalerriak Bizkaiko eta Euskadiko intzidentzia-tasarik altuenetarikoa du (1.010 kasukoa 100.000 biztanleko). Horregatik, bigarren urtez, Lekeitioko egun handian herria ixtea erabaki du alkateak.
Zure interesekoa izan daiteke
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hiltzeagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egunez koman egon ondoren hil zen Courdy.
Foruzaingoak aisialdirako bederatzi lokal erregistratu ditu Iruñerriko bost udalerritan
Dispositiboan 20 akta ireki dituzte, drogak konfiskatzeagatik. Hiru pertsona ere salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.