Nafarroako hiru txertaketa-gune handiren itxiera iragarri du Osasunbideak
Nafarroako Osasun Departamentuak iragarri du hiru txertaketa-gune handi itxiko dituela datorren astean: Iruñeko UPNAn eta Maristak ikastetxean jarritakoak eta Tuterako Jesuiten kiroldegikoa. Osasunbideak azaldu duenez, txertaketa-prozesua erritmo onean doa, eta dagoeneko ez dira beharrezkoak gune horiek. Izan ere, Nafarroako herritarren % 70 baino gehiago pauta osoarekin immunizatuta daude jada.
Horrela, foru agintarien arabera, Nafarroako Unibertsitate Publikoko kiroldegian eta Maristen egoitzan jarritako txertaketa-guneak itxiko dituzte irailaren 16an eta 17an, hurrenez hurren. Hala ere, Foremen jarraituko dute txertoak jartzen, bai aldez aurretik txertoa jasotzeko hitzordua hartuta, bai ordua hartu gabe.
Tuteran, aldiz, irailaren 20an itxiko dute Jesuiten kiroldegian egokitutako gunea, eta, beraz, Sofia Erregina ospitaleko larrialdien ondoan dagoen moduluan jarraituko dute txertoa jartzen, Iruñeko baldintza berdinetan. Lizarran, bestalde, datorren astearen amaieran amaituko dute bigarren dosiak emateko kanpaina oinarrizko eremuetan, eta txertaketa-puntuari eutsiko zaio Garcia Orcoyen ospitalean.
Osasunbideak iragarri du 19.000 dosi jarriko dituztela aste honetan, 12 eta 19 urte bitartekoen eta 20 eta 29 urte bitartekoen txertaketa-prozesua amaitzeko. Nafarroako herritarren gehiengoa erabat immunizatuta egongo da horrela covid-19aren aurka, eta oraindik txertoa jarri edo pauta osatu ez dutenei "bigarren aukera" emateko sistema bat planifikatuko dute.
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.