Neurriak arintzeko eta pandemiaren beheranzko joera egonkortzen den ikusteko 15 egun itxarongo ditu Euskadik
Neurriak arintzeko eta pandemiaren beheranzko joera egonkortzen den ikusteko 15 egun itxarongo ditu Euskadik. Jonan Fernandez LABIko batzorde teknikoaren koordinatzaileak ez du "zentzuzkoa" ikusten une honetan covid-19aren aurkako neurri murriztaileak arintzea. Zentzu horretan, oraindik toki zehatzetan maskara derrigorrez erabiltzea beharrezkoa dela uste du.
Gainera, dagoeneko Delta aldaera Euskadin baieztatzen dituzten kasuen % 95 direla gogorarazi du. Iragan ekainetik aldaerak bilakaera "harrigarria" izan duela onartu du arduradunak.
Eusko Legebiltzarreko Osasun Batzordearen aurrean agerraldia egin du Fernandezek asteazken honetan, egoera epidemiologikoaren berri emateko. Azken 14 egunetan 100.000 biztanleko 223 kasuko intzidentzia metatua du EAEk, iragan asteartean baino 17 puntu gutxiago.
Txertaketa kanpainari dagokionez, biztanleen % 83 immunizaturik dagoela jakitera eman du koordinatzaileak.
Azken hilabeteetan covidaren Delta aldaerak izan duen "bilakaera harrigarria" hizpide izan du Fernandezek. Ekainaren 25ean, aldaera koronabirus kasuen % 15 zen Euskadin, egun, ordea, kasuen % 95 da.
Intzidentzia 150 kasuren azpitik jaistea
LABIko batzorde teknikoaren koordinatzaileak adierazi duenez, covidaren intzidentzia metatua 150 kasuren azpitik kokatzea; ZIUetako okupazioa Biziberri planaren '1 agertokiko' kopuruetara murriztea; eta urriaren amaierarako 12 urtez gorako biztanleen % 90ek txertaketa bukatzea izango dira datozen asteetarako helburuak.
Fernandezen hitzetan, LABIk "datorren asteetan eta hilabeteetan, gaixotasuna gizartearen funtzionamenduarentzako kritikoa izateari uzten dion unea erabakitzeko erronka izango du". Gogoeta horrek "inflexio puntua suposatu dezake pandemiaren kudeaketan", erantsi duenez.
Etorkizunean "agertoki positibo batean pentsatzeko" egoera ikusten du Fernandezek. Hala ere, pandemiaren olatu ezberdinen "iraganeko eskarmentuak" gogorarazi ditu. Horregatik, agertoki desberdinekin lan egin beharra dutela gaineratu du.
Bilakaera epidemiologikoak hobetzen jarraitzea eta neurriak "arintzea" posible da, ordutegiak eta aforoak barne, "normaltasun handiagoa" lortuz, onartu duenez.
Oposizioa
Bestalde, udako geldialdia baino lehen Eusko Jaurlaritzak Legebiltzarrean egindako agerraldiekin alderatuta, pandemiaren kudeaketan "ezer gutxik hobera" egin duela salatu du Rebeka Ubera EH Bilduko legebiltzarkideak.
Fernandezen azalpenetan "sakontasun handiagoa" faltan bota du Jon Hernandez Elkarrekin Podemos-IUko legebiltzarkideak, pandemiari eusteko Jaurlaritzak hartutako neurrien eragina neurtu ahal izateko.
Azkenik, Laura Garrido PP+Cs koalizioko ordezkariak ikasturte berriaren hasieran 12 urtez beherakoen artean eman daitezkeen positiboengatik bere "kezka" agertu du, haientzako txertorik ez dagoelako.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.