28 ikastetxetan jarriko dute abian ikasle etorri berrientzako Eusle hizkuntza-murgiltze programa
Hezkuntza Sailaren Eusle hizkuntza-murgiltze programa aurkeztu dute gaur goizean Bilbon Begoña Pedrosa Hezkuntza sailburuordeak eta Lucia Torrealday Aniztasunerako eta Hezkuntza Inklusiorako zuzendariak.
Hizkuntza-murgiltze programa da Eusle, Lehen Hezkuntzako 4., 5. eta 6. mailetan eta Derrigorrezko Bigarren Hezkuntzako 1. eta 2. mailetan Euskal Hezkuntza Sistemara etorri berri diren ikasleei eskolako komunikazio-hizkuntza eskuratzeko prozesua errazteko asmoz sortua. Aurreko bi ikasturteetan lau ikastetxe publikotan pilotajea egin ondoren, orotara EAEko 28 ikastetxetara hedatu du Hezkuntza Sailak programa hau 2021-2022 ikasturtean.
Helburu argi bat zuela jaio zen Eusle, eta helburu horri berari eutsiz hedatu da ikasturte honetan ere: ikasle etorri berriei euskaraz beharrezko komunikazio-gaitasuna ematea, eskola-eremuan harremanak izateko lehenik eta ondoren jakintza-arloetako hizkuntza eta komunikazio-trebetasunak ere bereganatu ditzaten.
Gainera, azaldu dutenez, "hizkuntza-gaitasunean aurrera egiteaz gain, ikaslea eskola-eremuan gustura, seguru eta motibatuta sentitzea ere bada asmoa".
Eusle programan parte hartzen duen ikasle etorri berriak erreferentziazko gela bat dauka, bere adin eta mailako ikasleen gela, baina, aldi berean, murgiltze-gelako kide ere bada. Eusle gela deritzon gela honetan bilduko dira ikasle etorri berriak.
Bertan, 5-10 ikasleko talde txikitan, modu sistematikoan komunikazioko oinarrizko hizkuntza lantzen dute. Komunikazio-hizkuntza ikasteko lan intentsibo eta espezifikoa izango da, erabileran oinarritua. Hala, azaldu dutenez, "murgiltze espazio hau espazio irekia da, funtzionamendu malgukoa, eta hizkuntzaren ikaskuntza sustatuko" da bertan.
Ikasle etorri berriak hasierako mailan sartuko dira (A1). Maila horretarako aurreikusitako eduki guztiak landu ondoren, eta komunikazio-trebetasunak ebaluatzeko probak egin ondoren, A2 mailara sartzeko aukera izango du ikasleak.
Ikaslea bere erreferentziazko gelako jardueretan pixkanaka parte hartzen hastea proposatzen du Euslek, betiere oinarrizko komunikazio-trebetasunak eskuratu ondoren; programaren funtsezko printzipioetako bat da murgiltze-gela erreferentziazko gelarekin partekatzea.
Eusle egitasmoak 24 eta 36 hilabete arteko iraupena izango du normalean. Programak, gainera, berariazko material didaktikoa ere badu, dagoeneko pilotajea egin duten ikastetxeetan erabili eta probatu dena.
Arduradunek azaldu dutenez, pilotaje horietan egiaztatu ahal izan da, A2 mailara modu eraginkorragoan eta bizkorragoan iristeaz gain, Eusle taldeetan ikasketarako giro positiboak eta kohesionatzaileak sortu direla. Ondorioz, kohesio horri esker, "ikasleen artean lasaitasuna eta ziurtasuna somatu da" erreferentziazko gelara jauzi egin dutenean, "zailtasun handirik gabe egin dute bat ikasle hauek euren erreferentziazko taldearekin", azaldu dute programaren bultzatzaileek.
Albiste gehiago gizartea
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtekoetara zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira talde biolentoetako kideak, Ertzaintzaren uruaren arabera
"Elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi zitzaizkien, eta azkenean liskarra gertatu zen. Ertzaintzaren buruak adierazi du atxilotuek ez dutela banda edo talde biolentoekin loturarik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.