Verter Recycling enpresak likidazio fasea abiarazi du
Zaldibarko zabortegia kudeatu zuen Verter Recycling enpresak merkataritza-sozietatea likidatzeko eta desegiteko prozesua hasi du, Euskadi Irratiak baieztatu duenez.
Enpresaren batzar orokorrak aho batez hartu du likidazio fasea abiarazteko erabakia, konpainiako iturrien esanetan.
Likidazio fase horretan, enpresak ordaindu gabe dituen fakturei aurre egin beharko die, baina ikusteko dago egingo duen ala ez. Eusko Jaurlaritzak 28,3 milioi euro erreklamatzen dizkio Verter Recycling enpresari Zaldibarko zabortegia egonkortzeko eta egokitzeko lanengatik, eta Bizkaiko Foru Aldundiak 3,3 milioi euro eskatu dizkio luiziak AP-8an eragindako kalteak konpontzeko lanen kostuari aurre egiteko.
Irailaren hasieran, Zaldibarko zabortegiko hiru arduradunak (Jose Ignacio Barinaga enpresako nagusia, Arrate Bilbao kudeatzailea eta Juan Etxeberria zabortegiko segurtasunaren arduraduna) eta biktimen familiak akordioa lortu zuten. Hiru akusatuek sei hilabeteko kartzela zigorra onartu zuten Alberto Sololuzeren eta Joaquin Beltranen zuhurtziagabekeriazko giza hilketagatik eta langileen segurtasunaren kontrako delituengatik. Bi aldeek kartzela zigorra ez betetzea adostu zuten, baita familiei ordaindu beharreko kalte-ordainaren zenbatekoa ere.
Bestalde, hiru akusatuek beste prozesu judizial bati aurre egin beharko diote orain, ingurumenari kalteak eragiteagatik.
Bingen Zupiria Eusko Jaurlaritzako bozeramailea Verter Recycling enpresaren likidazioaz mintzatu da Euskadi Irratian egin dioten elkarrizketan. Horren esanetan, enpresak Eusko Jaurlaritzarekin baino gizarte osoarekin dauka zorra "diru asko behar izan delako zabortegia egonkortu eta ixteko". Dena dela, argi utzi du zorrak zor direla eta ordaindu egin beharko direla. Prozesu horretan epaileek ere zeresana izango dutela gaineratu du.
Albiste gehiago gizartea
Egokitutako menuek betiko eraldatu dituzte eskoletako jangelak
Gero eta ohikoagoa da eskola-jantokietan ikasleek dieta bereziak behar izatea, erlijio-arrazoiengatik, intolerantziengatik, elikagai jakin batzuekiko alergiengatik eta bestelako osasun-arazoengatik. Gaur gaurkoz, EAEko ikastetxeetako jangeletan banatzen diren 8 menutatik 1 egokitutakoa da.
Milaka pertsona atera dira gaur kalera Hego Euskal Herrian, Palestinaren alde
Gasteizen, Bilbon eta Iruñean arratsaldeko zazpietan abiatu dira Palestinaren aldeko Borroka Eguna dela eta antolatutako mobilizazioak. Deialdia Gazarako Mugimendu Globalak eta Global Sumud Flotillak egindako nazioarteko ekimenari erantzunez gauzatu da, “Apur dezagun Gazako blokeoa. Defenda dezagun Global Sumud Flotilla” lelopean. Goizean ere, protesta egin dute Gasteizen, Legebiltzarraren kanpoaldean.
Komunitate palestinarrak genozidioaren aurkako manifestazioa deitu du asteazkenerako Zinemaldian
Palestina-Euskal Herria Elkartasun Batzordeak “The Voice of Hind Rajab” filmaren proiekzioa baliatuko du Israelen erasoa eta horren inguruko isiltasun “konplizea” salatzeko Donostiako kaleetan.
Donostiako masajistak ukatu egin ditu sexu-erasoen akusazioak
Fiskaltzak eta akusazio partikularrek 45 urteko kartzela-zigorra eskatu dute akusatuarentzat.
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.