Nola funtzionatzen du sexu abusuak pairatu dituzten adingabeei arreta integrala emateko Barnahus ereduak?
Barnahus eredua (islandieraz) sexu abusuak jasan dituzten adin txikikoei arreta integrala eskaintzea dien metodoa da. Barnahus hitzak haurren etxea esan nahi du islandieraz. Gaur egun, Katalunian, AEBn eta Europako hainbat herrialdetan aplikatzen da, eta Eusko Jaurlaritzak proiektu pilotu bat jarriko du martxan Gasteizen 2022an.
Aipaturiko ereduak adingabea jartzen du erdigunean, biktimak gertaturikoa behin eta berriro errepikatu behar izan ez dezan. Polizia-etxera joan beharrean, Barnahus edo haurraren etxera joaten da eta bertan forentseek elkarrizketa egiten diote. Solasaldia grabatu egiten dute eta esku hartzen duten pertsona guztiek zirkuitu itxian ikusten dute. Epaiketa egitekotan, ebidentzia gisa erabiltzen da grabazioa.
Hainbat ikerketaren arabera, eredu horrek prozesu judiziala arintzen du. Halaber, sexu abusuengatik atxilotutako eta zigortutako pertsonen kopurua areagotzen du; zenbait tokitan, bikoiztu edo hirukoiztu ere egin dira. Ez hori bakarrik, biktima berriro ere biktima bilakatzea eragozten laguntzen du eta eta haurrari eta haren familiari ematen zaien tratua hobetzen du.
Barnahus metodoaren sortzaile den Bragi Gudbrandssonen iritziz, adingabeari entzutea da Barnahus ereduaren muina. Are gehiago, adin txikikoarentzat giro atsegina sortzean haien ahotsak benetan garrantzia duela adierazten zaie.
Biktimaren bidea, pausoz pauso
Adibidez, zer gertatzen da hezkuntza zentro bateko irakasle batek sexu gehiegikeriak pairatu dituen haur bat antzematen duenean? Irakasleak ikastetxeko zuzendaritzari jakinaraziko dio eta horrek programa aplikatuko du. Barnahus eredua aplikatzerakoan, biktimak pertsona gutxiagori kontatu beharko dio gertaturikoa eta berehala arreta espezializatua jasoko du.
Haurraren etxea deituriko gunean, haurren biktimizazioan espezializatutako talde profesionalak (psikologoak, medikuak eta poliziak) artatuko du biktima.
Aldi berean, familiak profesionalen laguntza jasoko du.
Biktimaren adinera egokitutako elkarrizketa-gela batean, talde psikosozial judizial batek elkarrizketatuko du biktima. Norabide bakarreko ispilu baten bidez, epaileak, fiskalak, ikertutako pertsonak eta haien defentsak elkarrizketa jarraitu ahalko dute. Elkarrizketa grabatu egingo da eta froga gisa erabili ahalko da balizko epaiketa batean.
Ondoren, auzitegiaren aurrean erreproduzituko da froga gisa eta auzitegi horrek hala erabakitzen badu, biktimak ez du auzi saioan parte hartu beharrik izango.
Albiste gehiago gizartea
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.