Fair Saturday presentziala bueltan da, 300 kultura ekitaldi baino gehiagorekin
Fair Saturday, kultura mugimendua, modu presentzialean ospatuko da berriro azaroaren 27an, larunbata, Black Fridayren biharamunean. Iaz pandemiaren eraginez online egin behar izan zuten. Horrela, azaroko azken asteburuan 300 kultura ekitaldi inguru izango dira Bilbon eta Bizkaian, baita nazioarteko beste hiri batzuetan ere.
Fair Saturday fundazioak ohar batean azaldu duenez, "noraez kontsumista eta materialista zentzugabearen aurkako antidotorik eraginkorrenetako bat kultura da, hain zuzen ere; hezkuntzari eta kulturari zenbat eta toki eta balio handiagoa eman, jokabideak eta orokorrean bizimodu arduratsuagoak eta jasangarriagoak aukeratzeko gaitasun handiagoa izango dugu".
Horregatik, 2014tik kulturaren eta enpatia sozialaren inguruko egun bat sortzeko lanean dihardu fundazioa. Jaialdiarekin bat egiten duten kultura elkarte guztiek gai sozial bat aukeratzen dute, mezua zabaltzeko eta lortutako diruaren (egotekotan) zati bat bideratzeko.
Kontzertu, erakusketa, antzerki lan, performance, poesiaz… berriro gozatzeko aukera izango da aurtengo edizioan, aldi berean proiektu sozial ezberdinak ezagutzeko eta babesteko aukerarekin.
"Metro Akustikoaren" lehenengo edizioa izango da berritasunetako bat. Artista ezberdinek kontzertu akustikoak eskainiko dituzte Bilboko metroaren geltokietan; eta ETS edo Mäbu bezalako artista ezagunen hitzaldiak. Mundu artistikoaren inguruko gogoetak gazteekin partekatuko dituzte. Era berean, abesbatzek kontzertuak eskainiko dituzte.
Nazioartean, nahiz eta pandemiak oztopoak jarri, Fair Saturday modu ofizialean ospatuko da Huelvan, Lisboan eta Eskozia osoan, St.Andrew's egun nazionaleko programaren baitan, 2018az geroztik egin bezala.
Aurreneko aldiz, Estatuko erkidego batek bat egingo du, Errioxak, hain zuzen ere. 30 ekitaldi hartuko ditu, gehienak Logroñon.
Nazioarteko ezegonkortasunaren eta toki zehatzetan indarrean dauden neurri murriztaile batzuen ondorioz, hiri batzuek Fair Saturday 2022ra atzeratu dute.
Egitarau osoa festival.fairsaturday.org eskuragarri dago.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.