Kutsatze mailarik handiena 6 eta 12 urte bitarteko adin tartean dagoela azpimarratu du Sagarduik
Koronabirusaren kutsatzeak gora egiten ari diren honetan, intzidentzia mailarik altuena 6 eta 12 urte bitarteko adin tartean dagoela adierazi du Gotzone Sagardui Eusko Jaurlaritzako Osasun sailburuak. Azken orduetan 639 positibo berri zenbatu dituzte Euskal Autonomia Erkidegoan (EAE) eta 100.000 biztanleko 14 eguneko intzidentzia metatua 247,17koa da. Hala ere, gaur-gaurkoz ospitaleetako egoera beste batzuetan baino hobea dela onartu du. Halaber, txertatu gabekoek ospitalean amaitzeko lau edo bost aldiz arrisku handiagoa dutela ohartarazi du eta txertatzeko deia egin die oraindik hartu ez duten herritarrei.
Gotzone Sagarduik Donostiako Onkologikoko instalazio berriak bisitatu ditu gaur goizean. Bisitaren ondorengo prentsaurrekoan eta kazetarien galderei erantzunez, kutsatze mailarik handiena 6 eta 12 urte bitarteko adin tartean dagoela azpimarratu du Sagarduik. Oro har, gaixotasunari modu positiboagoan erantzuten diotela onartu arren, ospitaleratutako adin txikikoak badaudela adierazi du. 12 urtez azpikoen txertaketari lotuta, laster adin talde horrentzako txertoa prest izatea espero du.
Pandemiaren goranzko joeraz ohartarazi du: "Zenbat eta kasu gehiago izan handiagoa da ospitaleratzeak izateko arriskua". Azken 24 orduetan 639 positibo hauteman dituzte EAEn (atzo 691 ziren).
Ospitaleetako egoera beste batzuetan baino hobea dela aitortu arren, kutsatze kopurua altua den bitartean arriskuak hor jarraituko duela ohartarazi du.
Hori guztia dela eta, prebentzio neurriak eta Osasun Sailak argitaratutako aginduetan jasotzen diren neurriak betetzearen garrantzia nabarmendu du. Gaineratu duenez, neurri horiek betetzea eta zuhurtzia funtsezkoak izango dira pandemiaren goranzko joera hori iraultzeko.
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.