Plataforma Feministak emakumeek jasaten dituzten indarkeria guztiak salatuko ditu azaroaren 25ean Iruñean
Iruñeko Mugimendu Feministak emakumeek jasaten dituzten indarkeria mota guztiak salatuko ditu azaroaren 25ean, "Aske Izateko. Indarkeriarik gabeko bizitzak, orain!" goiburupean egingo duen manifestazioan.
Martxa 20:00etan abiatuko da Baluarte plazatik eta Sarasate Pasealekuan amaituko da.
Plataformak agiri batean azpimarratu duenez, urtea hasi zenetik 5 emakume hil dituzte Euskal Herrian, 39 Espainian eta milaka munduan.
Azaroaren 25ean emakumeek pairatzen dituzten indarkeria mota guztiak argitara aterako dituztela adierazi dute: "hilketak, muturreko indarkeria fisikoa, baina baita egunerokotasunean sufritzen ditugun eraso eta jarrera matxista guztiak ere".
"Gure kontrako indarkeria mota guztiak amaitzea nahi dugu: feminizidioak, emakumeen salerosketa, mutilazio genitala, adingabeen ezkontzak, ziberjazarpena, sextinga…"
Halaber, migratzaileak diren edo desgaitasunen bat duten emakumeen kontrako indarkerian ere jarriko dute fokua.
Horrez gain, indarkeria matxistarekin amaitzeko, erakundeen konpromisoa eskatu dute: "Instituzio konprometituak behar ditugu. Ez ditugu adierazpen instituzionalak edo udaletxeen eta gobernuen aurrean egindako kontzentraziorik nahi. Ez dugu hitz hutsik nahi, ezta konponbiderik ekarriko ez duten promesa faltsurik ere".
Horrenbestez, eta matxismoarekin bukatzeko, hainbat ekimen abian jartzea aldarrikatu dute: aurrekontu feministak onartzea, kalitatezko hezkuntza bermatzea, eragile ezberdinei formakuntza ematea, atzerritarren legea baliogabetzea eta kalitatezko zerbitzu publiko unibertsala eta doakoa eskaintzea.
Albiste gehiago gizartea
Suteek muturreko arrisku egoeran jarri dituzte Avila eta Cacereseko hainbat herri
Extremaduran 2.500 hektarea kixkali ditu asteartean piztutako suak. Avilan, berriz, 600 hektarea inguru erre dira. Hainbat pertsona ebakuatu behar izan dituzte eta egoera ez dago kontrolpean.
Zer dira tsunamiak? Zergatik gertatzen dira?
Errusiako ekialdea astindu duen 8,8 graduko lurrikara indartsuak tsunami alertak piztu ditu Ozeano Barean. Baina, zer dira tsunamiak, eta zergatik sortzen dira?
Legez kanpoko 3.800 tabako-pakete atzeman dizkiete Bilboko aireportuan Armeniatik zetozen bi bidaiariri
Guardia Zibilak kontrabandoko 3.800 tabako-pakete atzeman ditu Bilboko aireportuan, Armeniatik zetozen bi bidaiariren maletetan. 1.900 bana pakete zeramaten. Kontrabandoan aritzea egotzi diete biei.
Zizur Nagusian emaztea hiltzeagatik atxilotutako gizona ondorengo orduotan eramango dute epailearen aurrera
Ikerketako iturriek baieztatu dutenez, atxilotutako gizonezkoak alzheimer gaixotasuna du eta litekeena da osasun-zentro batean ingresatzea.
Itsasadarraren azpiko tunela egiteko proiektua "modu irregularrean eta presaka" onartu izana salatu dute
Subflubiala Ez plataformak, eta Artaza institutuko eta Erromo ikastetxeko guraso elkarteek salatu dute Bizkaiko Foru Aldundiak proiektua onartu duela, alegazioak aurkezteko epea oraindik zabalik dagoenean.
Agertu barik dagoen 77 urteko emakume baten bila dabiltza Barrundian, Araban
16:00ak inguruan, haren senide batek jakinarazi du emakumea etxetik atera dela eguerdian, eta ordutik ez dutela haren berririk.
78 urteko emakume baten hilketa indarkeria matxista gisa ikertzen ari dira Nafarroan
Ikerketako iturriek jakinarazi dutenez, biktimaren senarrak eman du emaztearen heriotzaren berri. Gizona atxilotu dute.
Francis Diez pregoilaria eta Olatz Agirre txupinera, Aste Nagusirako prest
Pregoilariak, Francis Diezek, Doctor Deseo musika taldeko abeslariak, adierazi duenez, "erantzukizuna hartzeko unea zen", eta "gozamena eta betebeharra" bateratzen saiatuko da, "izarra" alde batera utzi eta jaietan jendearen esanetara egoteko. Bestalde, Olatz Agirre txupinerak, Txori Barroteko konpartsakideak, "Bilboko eta inguruko herritarrei, merkatariei eta langileei" gonbitea luzatu die, txupinazoa bota ondoren, jaiez goza dezaten eta parte har dezaten, "pertsona guztientzako lekua dagoelako". "Txori Barrotekoa naiz, baina aurten ez naiz beltzez eta zuriz jantziko, gorriz eta zuriz baizik, konpartsa guztiak eta herri osoa ordezkatzeko", nabarmendu du.
Epaiaren zain gelditu da Beloradoko moja ohien aurkako epaiketa
Bi aldeei entzun ondoren, Briviescako epaileak erlijioso ohiak monasteriotik ateratzeari buruz erabaki beharko du. Kaleratzea atzeratu egin daiteke, epailearen erabakiaren aurka errekurtsoa jar daitekelako. Moja ohiek adierazi dute, kaleratzen badituzte, "komunitatean" erabakiko dutela zer egin, "eutsi ala borondatez alde egin".
Gizarte-langile bat hil dute Pontevedran, adineko bikote bat artatzen ari zela
Lehen ikerketen arabera, adineko senar-emazte batzuen etxebizitzan zegoela, gizonak erreminta batekin kolpatu eta hil egin zuen.