18 urtez gorako guztiek hirugarren dosia jaso ahal izango dute Ipar Euskal Herrian
18 urtez gorako herritar guztiek koronabirusaren aurkako hirugarren dosia jasotzeko aukera izango dute Ipar Euskal Herrian larunbatetik aurrera, Olivier Veran Frantziako Osasun ministroak ostegun honetan jakitera eman duenez.
"Aurrerantzean hirugarren dosia 18 urtez gorako guztiek jaso ahal izango dute, azken txertoa hartu zutenetik bost hilabete pasa badira", adierazi du. Emmanuel Macronek ministro Kontseilua bildu du. Bosgarren olatuari eta osasun egoerari aurre egiteko neurriak hartu ditu Frantziako Gobernuak.
Veranek ziurtatu duenez, txerto nahikoak izango dira. Familia medikuei ala erizainei eskatu edo 1.200 bat txertaketa zentro masiboetan hartzeko aukera izango dute herritarrek. Txertaketa zentroak berriro zabaldu edo martxan jarriko dira Estatu osoan.
Bestalde, toki publiko gehienetan sartu ahal izateko osasun ziurtagiriaren baldintzak zorroztuko dituztela iragarri du ministroak.
Orain arte, probak 72 orduko iraupena zuen, baina ministroak 24 ordura murriztu du. Era berean, txertoa jaso ez dutenek ordaindu beharko dutela gogorarazi du buruzagiak.
Toki publiko itxi guztietan musukoa berriro derrigorrezkoa izango dela ziurtatu du Veranek. Babes neurriak mantentzea eskatu du, hala nola, eskuak garbitzea edo distantzia soziala. Ministroaren ahotan, dispositibo horrekin "Frantziak bosgarren olatua gainditu dezake, neurri gogorragorik hartu gabe".
Konfinamendua, saltokien itxiera aurreratzea edo joan-etorriak mugatzea baztertu du ministroak oraingoz, aurreko olatuetan ez bezala, Frantzian hamar heldutatik ia bederatzik txertoa jaso dutelako.
"Txertorik gabe olatu berrian murgilduta egongo ginateke, delta aldaera kutsakorragoa delako, eta konfinaturik geundeke", esan du Veranek. Zentzu horretan, txertoa jaso ez dutenek ospitalean bukatzeko hamar aldiz arrisku handiago dutela ohartarazi du agintariak.
Bi tratamendu
Covidari aurre egiteko tresna horiez gain, laster "emaitza esperantzagarriak" izaten ari diren bi tratamendu eskura izango dituztela erantsi du ministroak.
Bat, injekzio bidez, ospitalean larri dauden pazienteentzako izango da, bestea, pilula bat, botiketan eskuragarri egongo da abendutik aurrera, baina errezeta beharrezkoa izango da. Kutsatu ondorengo bost egunetan hartuz gero, ospitaleratzeko arriskua erdira murrizten du pilulak.
Zure interesekoa izan daiteke
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen ari da atera dadin.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.