Urtaran: "Ez du zentzurik Urtezahar gaueko kotiloiak ospatzeak"
Gorka Urtaran Gasteizko alkate eta Eudeleko presidenteak Radio Euskadiko Boulevarden egindako elkarrizketan ohartarazi duenez, azken egunetako pandemiaren bilakaera ikusita, "ez du zentzurik Urtezahar gaueko kotiloiak ospatzeak, are gutxiago espazio itxietan". Adierazi duenez, "ez da espezialista izan behar horrelako ospakizunak infekzio-foku larriak izan daitezkeela jakiteko".
Eguberrietan zuhurtzia mantentzeko beharra azpimarratu du, izan ere, "kulturagatik eta tradizioagatik, elkarreragin handiagoa izaten dugu egun hauetan, eta, gainera, are arriskutsuagoak diren leku itxietan elkartzen gara". Bere iritziz, intzidentziaren bilakaera jada ez da kurba bat, "horma bertikal bat da"; omikron aldaeraren ondorioz kasuen igoera esponentzialaren aurrean, "ikusi beharko da osasun-presioan eraginik duen, orain arte erakutsi duenaz harago; espero dezagun ezetz, horrela mantentzea eta seigarren olatu hau lehenbailehen pasa ahal izatea".
Olentzeroren zamalkadei dagokienez, alkateak esan du Gasteizen ohi bezala ez egiteko LABIren gomendioak jarraituko direla eta horretarako neurriak hartu direla: "Gabonetako Haur Parkea bertan behera utzi dugu, kabalgatetan ez da ez harrerarik ez azken agurrik izango, eta nolabait arriskutsuak izan daitezkeen egoerak, karameluena, esaterako, saihestu egingo dira; eta, gainera, ibilbideak luzatu ditugu". Azaldu duenez, "kabalgatak egokitu izanak Gabonetako ilusioa haurrei transmititu ahal izateko bermeak ematen dizkigu", azpimarratu du. Donostiako eta Bilboko desfileekiko desberdintasunei buruz galdetuta, esan duenez "hiri bakoitzak bere ezaugarrietara egokitu ditu".
Alkateak adierazi duenez, "une egokia da hau" gaueko aisialdian esku hartzeko, bereziki espazio itxietako jarduerek dakarten arrisku areagotua kontuan hartuta. Hori bai, neurriak eraginkorrak izateko, beste erkidego mugakide batzuekin koherentziaz aplikatu behar direla esan du. Hori dela eta, estatu mailan irizpide bateraturik ez izatea deitoratu du, erkidegoei beharrezkoa den "aterki juridikoa" eman ahal izateko
Zure interesekoa izan daiteke
Talde animalistek manifestazioa egin dute Bilbon, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Guardia Zibila gizonaren bila ari da atxilotzeko.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.