Kote Cabezudori 2.388 urteko espetxe-zigorra ezartzea eskatu du akusazio partikularrak
Akusazio partikularrak Kote Cabezudo argazkilari donostiarrari 2.388 urteko espetxe-zigorra ezartzea eskatu du. Hainbat delitu leporatzen dizkio, besteak beste, 152 sexu-abusu penetrazioarekin.
Iruzur, intimitatearen aurkako, osotasun moralaren kontrako, adingabeak galbideratzea eta sexu-abusu 194 delitu deskribatu ditu Mario Diez abokatuak idatzian.
Era berean, Cabezudori 20 urteko inhabilitazioa aplikatzea eskatu du abokatuak, baita 13 biktimarentzako 1.715.000 euroko kalte-ordaina ere.
13 salatzaileren kasuak deskribatu ditu akusazioak. Ustez Cabezudok engainatu zituen, eta argazkiak biluzik atera zizkien, materiala pornografia webgune batean erabiltzeko, idatziaren arabera.
Akusazioaren hitzetan, Cabezudok hiru hamarkada eman zituen argazkilari bezala. Modeloei "alderik intimoenak sekula ikusi" behar zirela ziurtatu zien, baita "biluzik agertzen baldin baziren ez zituela irudiak argitaratu behar" ere.
Ondoren, materiala modeloak "behartzeko eta material pornografiko berria ekoizteko erabiltzen zuen mehatxupean, batzuetan isilekoa, beste batzuetan esplizitua, publiko egiteko".
Nahiz eta modelo batzuek argazkilariari irudi eskubideak berriz erosi, emakumeen argazkiek eta bideoek pornografia webguneetan jarraitzen zuten.
"Kasurik larrienetan, haren figurak eta adin aldeak sortzen zuten ikara aprobetxatuz, biktima batzuk menperatu eta sexu eraso eta abusuak egin zituen", azaldu du akusazioak.
Konkretuki, kasurik larriena 2004an Cabezudorekin lanean hasi zen modelo batena da, orduan 14 urte zituen, baina heldutasunera arte jarraitu zuen. Argazkilariak sexu-abusuak penetrazioarekin egin zizkion, "gutxienez 150 aldiz 150 egun ezberdinetan".
Cabezudok ustez bortxaketa batzuk grabatu zituen, webguneetan paratuz eta pornografia atarietan partekatuz, idatziak erantsi duenez.
Akusazioak 14 urte eta hiru hilabeteko espetxealdia eskatu du sexu-abusu bakoitzeko, hau da, 2.137 urte eta erdi.
Gainera, beste bi modelori egindako sexu-abusuak salatu ditu akusazioak. 8 urte eta erdiko kartzelaldia eskatu du bakoitzarengatik.
Zure interesekoa izan daiteke
Epailearen aurretik igarotzeko zain jarraitzen du Azpeitiko ustezko hiltzaileak
Azpeitiko eta inguruko beste herri batzuetako hainbat tokitan miaketak egin dituzte egunotan. Ustezko hiltzaileak, 43 urteko gizon batek, bere burua entregatu zuen larunbat goizaldean Ondarroako ertzain-etxean, eta soinean zeraman su-arma labur bat konfiskatu zioten.
Espainiako Gobernuak Ceutako portuaren kontrola hartu du etorkinei "arreta humanitarioa" emateko
Espainiako Gobernua Ceutako Mendebaldeko Kaian dagoen zabalgune bat egokitzen hasi da migratzaileak hartzeko. Bizilagunak, Portu Agintaritza eta Enpresarien Konfederazioa aurka dauden arren, kanpin dendak jarriko dituzte bertan. Aurreikuspenen arabera, mila migratzaile inguru hartuko dituzte. Ceutako Gobernua ere aurka agertu da, eta erabakia "akats larria" dela esan du.
36 urteko euskal mendizale bat larri zauritu da Asturiasen, eskalatzen ari zela harkaitz bat erorita
Antza denez, harria emakumea zegoen tokitik 300 bat metrora goragotik erori da. Garezurreko traumatismo larria izan du, eta Asturiasko Unibertsitate Ospitale Nagusira (HUCA) eraman dute.
Ondarroan atxilotu dute Azpeitiko ustezko hiltzailea
Ertzaintza haren bila ari zen asteartetik, eta azkenean, larunbat goizaldean, ustezko hiltzaileak bere burua entregatu du Ondarroako ertzain-etxean. Arma bat zeraman soinean, baina oraindik ez dute jakinarazi hilketan erabilitakoa ote den.
Ehunka lagunek harrera egin diote Freedom Flotilla ontziari Euskadin
Asteartera arte (hilak 8), Euskadin egoteko asmoa du. Egun horretan, Vigora abiatuko da, eta, ondoren, Mediterraneoko beste hainbat gunetara jarraituko du. Ontziak Bilbon egingo duen egonaldian, hainbat ekitaldi antolatu dituzte, besteak beste, hitzaldiak, emanaldiak, Palestinako azoka eta flotillako aktibistekin prentsaurrekoa.
25 urteko emakume bat atxilotu dute Eltziegon, bikotekidea harrapatzea leporatuta
Etxeko indarkeriaren esparruan hilketa-saiakera delitua egotzi diote. Gertaera larunbat goizean jazo da, 07:30ak aldera. Atxilotua polizia-etxera eraman dute eta, eginbideak amaitu ondoren, epailearen esku utziko dute.
20 urteko mutil bat hil da Lekeitioko Antzar Egunean, hesi batetik erorita; ospakizuna bertan behera utzi dute
Gaztea portuan zegoen, antzarren proba jarraitzen, eta bi metro inguruko altueratik erori da. Milaka lagun bildu dira gaur Lekeition, eta ekitaldia normaltasunez ari zen garatzen istripua gertatu den arte.
4.000 pertsona inguru bildu dira Donostiako Sagardo Egunean
Gipuzkoako 32 sagardotegitako sagardoak dastatzeko aukera eskaini dute. Trikitilari eta bertsolarien musikaz girotu dute eguna. Une hunkigarrienetako bat Jabier Ansorena eta Marian Matasen omenezko ekitaldia izan da.
Irailaren 5a Tokiko Memoria Demokratikoaren Egun izendatu dute Irunen
Irungo Udalak Tokiko Memoria Demokratikoaren Egun izendatu du irailaren 5a, Udaleko talde politiko guztien babesarekin. Kolpe militarra, gerra eta diktadura sufritu zituzten irundar guztiak oroitu dituzte gaur.
Ertzaintzak gizon bat atxilotu du Urdulizen, hiru pertsonari botilak jaurtitzea leporatuta
06:20 aldera jazo da erasoa, metro geltokitik gertu. 200 bat lagun bildu dira inguruetan. Atxilotua aurretik ere atxilotu dute antzeko gertakariengatik.