Ana Frank naziei nork entregatu zien ezagutarazi dute
Bigarren Mundu Gerraren eta juduen aurkako jazarpenaren garaiko misterio handienetako bat argitu dute astelehen honetan: Ana Frank naziei nork entregatu zien ondorioztatu ahal izan du nazioarteko ikerlari talde batek, bost urteko ikerketaren ostean. Ikerketa horren arabera, izen handiko notario judu batek egin zuen traizioa.
Hain zuzen ere, juduek Amsterdamen (Herbehereak) erabiltzen zituzten ezkutalekuen zerrenda bat entregatu ei zien notario horrek naziei, bere familiaren bizia salbatu ahal izateko. Arnold van den Bergh zuen izena.
Ana Frank salatu zuen pertsona Kontseilu Juduko kidea zen. Kontaktu ugari zituen, eta hasiera batean babesa zuen kontzentrazio-esparruetara deportatua ez izateko. Nolanahi ere, 1944an galdu egin zuen pribilegio hori, eta, etsita, hainbat juduren ezkutalekuen berri eman zien naziei, emaztea, hiru seme-alabak eta bere burua salbatzen saiatzeko.
Ikerketako froga nagusia Anaren aitak, Otto Frankek, 1946an jaso zuen eskutitz baten kopia izan da. Jatorrizko gutuna galduta dago egun, baina Amsterdameko artxiboetan kopia bat aurkitu dute.
Frank familia Amsterdameko etxe batean ezkutatu zen 1942tik 1944ra, beste lau pertsona judurekin batera. Bertan idatzi zuen Anak bere egunkari ospetsua.
1944ko abuztuan, naziek etxe horretan ezkutatuta zeuden pertsona guztiak deskubritu, eta kontzentrazio-esparruetara eraman zituzten. Bertan, hil egin zituzten gehienak. Otto Frank izan zen bizirautea lortu zuen bakarra.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.