Oso gela gutxi itxi eta 3.032 gaixo agiri kudeatu dituzte, Bildarratz Hezkuntza sailburuaren arabera
Gabonetako oporren ostean ikasgeletako egoera nahiko egonkorra dela nabarmendu du Jokin Bildarratz Eusko Jaurlaritzako Hezkuntza sailburuak. Euskadi Irratiko "Faktoria" saioan egin dioten elkarrizketan esan duenaren arabera, oso gela gutxi dituzte, "zerotik gertu", eta irakasleei dagokienez, sare publikoan bakarrik 3.032 gaixo agiri eta ordezkapen kudeatu behar izan dituzte.
3.032 ordezkapen horiei ikastetxe pribatuetan eta itunpekoetan egin direnak gehitu behar zaizkie. Egoera zaila izan arren, gehienak arazorik gabe kudeatu direla azpimarratu du sailburuak. Hala ere, ikasgai batzuen kasuan zerrendak ireki behar izan dituzte irakasleak ordezkatzeko, hizkuntzari lotutakoak dira gehienak, latina edo frantsesa esaterako.
CONTENIDO NO ENCONTRADO
Gaur hasi da Araban, Bizkaian eta Gipuzkoan datorren ikasturterako matrikulazio kanpaina. Jaiotze tasa urtez urte behera egiten ari denez, hurrengo urtean aurten baino 400-500 haur gutxiago izatea aurreikusten dute. Ikusteko dago koronabirusak zer nolako eragina izango duen. Bildarratzen esanetan, iaz, bi urteko haur gutxiagok eman zuten izena. Beste urtetan haurren % 95k izena ematen badute, iaz gutxiago izan omen ziren.
Iraleko ikastaroen polemikaz galdetuta Bildarratz sailburuak iragarri duenez, bi asteko epean berriro ere formazio saioak hastea da asmoa, beti ere, pandemiaren bilakaeraren arabera. Egoera berezietan erabakia bereziak hartu behar direla "mundu guztiak" ulertzen duela esanez erantzun die sailburuak kritikei.
Haur eta Lehen Hezkuntzako hurrengo Lan Eskaintza Publikoa uda ondorenerako espero du Hezkuntza sailburuak, 1.200 lanpostu baino gehiagorekin. Horietako batzuk behin-behinekoen lanpostuak egonkortzeko izango dira.
Hezkuntza Legea egosten ari diren honetan, udazkenean Eusko Legebiltzarrera bidaltzeko moduan egongo dela uste du Bildarratzek. 2023a hauteskunde urtea izaki eta horrek eztabaida eta adostasuna zail dezakeela ulertuta, ordurako legea onartua izan nahiko luke.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.