Datorren asteburuari begira izotzaren arriskuaz ohartarazi dute Nafarroako Pirinioetako mendietan
Suhiltzaileen Zerbitzuko Erreskate Teknikoko Taldeak (ETT) datorren astebururako aurreikusita dagoen egoera meteorologikoaren arriskuaz ohartarazi du, antizikloiak eta tenperatura baxuek eragindako neguko baldintza txarrak direla eta.
Hain zuzen, eguraldiaren aurreikuspenak nahiko antzekoak dira joan den asteburukoekiko; guztira esku-hartzerako lau dei artatu ziren ostiraletik igandera eta bat astelehenean, horiek guztiek amankomunean izanik aipatutako negu baldintzen faktorea.
Azken egunotan, Erreskate Teknikoko Taldeak bost erreskatetan esku hartu behar izan du. Joan den asteburuan, ostiralean, Arlasen erori zen pertsona bat artatu zituen; larunbatean, Hiru Errege Mahaiko harkaitzetako izotzetan trabatutako bi pertsona; igandean pertsona bat Aralarko Mendilerroan eta pertsona bat Larrako La Contiendan. Bestalde, astelehenean pertsona baten deiagatik esku-hartu zuen, halaber La Contiendan.
Gainera, asteartean hil da igandean Belaguan istripua izan zuen 45 urteko gizona. Aiegiko bizilagunak izotz plaka batean irrist egin zuen erraketekin ibilaldia egiten ari zela, eta erorikoan hartutako kolpeen eta egindako zauri larrien ondorioz hil da Nafarroako Unibertsitate Ospitalean.
Nafarroako Pirinioetako mendien egoerak, ia erabat elurrez eta izotzez estalita, hegoaldeko orientabidean neurri txikiagoan izan arren, ezinbestean ardurak zorroztea eskatzen du.
Gomendioak
Zentzu horretan, ETTk gomendatzen du mendian barrena mugitzeko material egokia erabiltzea, esaterako pioleta, kranpoiak, kaskoa eta bateria kargatuko telefono mugikorra. Era berean, oroitarazten dute ultralight kranpoiak eta erraketak beste elur baldintza batzuetarako pentsatuta daudela.
Atera aurretik, gomendatzen dute AppStore eta Google eremuetan erabilgarri dagoen My112 doako aplikazioa deskargatzea, zeinek ahalbidetzen duen SOS Navarra-rekin konektatzea eta deien geolokalizazioa, telefono mugikorraren GPS-a erabiliz.
Aplikazio honen bidezko deiak lekuaren geo-erreferentzia nahiko zehatza lortzen du, eta hori erabakigarria gerta daiteke erreskatearen antolamenduan eta honen amaiera arrakastatsuan. Gainera, deia egin ondoren, kokalekuaren argazki bat bidaltzeko aukera ematen du, eta horrek informazio oso baliotsua eman diezaioke SOS Navarra-ri eta tokira lekualdatutako erreskate taldeei.
Bakarka eginiko lekualdatzetan, gomendioa da pertsona ezagun edo senitarteko bati jakinaraztea jarraituko dugun ibilbidea eta hura aldez aurretik planifikatzea, unean-uneko egoera eta meteorologia egiaztatuz.
Oro har, zuhurtzia eta arreta zorroztea gomendatzen da, eta ezjakintasunaren edo arriskuaren kasuan, gomendioa da bira ematea eta segurtasun pertsonala lehenestea.
Zure interesekoa izan daiteke
Ekaitz Pau, Gorlizko alkatea: "Udaltzaingoaren auto bat bidali arren, hark alde egitean eraso zioten etxeari"
Uribe Kosta institutuko irakaslearen jazarpen kasuaren harira, Ekaitz Pau Gorlizko alkateak azaldu du gaiaren berri izan zuela irakaslea bera Udalarekin harremanetan jarri zenean, azken erasoa baino egun batzuk lehenago. Dioenez, alde guztiekin harremanetan jarri da, eman beharreko pausoak zeintzuk izan behar diren erabakitzeko, eta azpimarratu du ez dela institutuko gauza isolatu bat, gizarte osoari eragiten diona baizik.
Emakume bat hil da N-121-A errepidean, Beran, lau ibilgailuren artean izandako istripuan
Biktima Lesakakoa da. Gainera, bi pertsona zauritu dira, eta Irungo eta Donostiako ospitaleetara eraman dituzte.
Gripeagatik ospitaleratuta daudenen kopurua iaz baino bost aldiz handiagoa da EAEn
Osakidetzak eta Osasun Sailak txertaketaren garrantzia azpimarratu dute arnas gaixotasunen prebentzio gisa, eta "erne egoteko" eskatu dute Eguberrietara begira.
Plantazio handiak hedatzen ari dira, eta saguzarrak eta Amazonia mehatxatzen dituzte
Brasilgo Amazonian, plantazio handiek saguzar frugiboroen (frutajaleen) bizimodua hankaz gora jarri du. Funtsezko espeziea da bertako haziak eta landaredia mantentzeko. Monolaborantzak eremuan zehar mugitzea galarazten die saguzarrei, eta horrek oztopatzen du haziak barreiatzea. Saguzarrek garraiatutako hazi bakoitzak ikaragarri laguntzen du zuhaitz, fruitu, baso eta sabanak birsortzen. Amazonia babesteko beharrezkoak dira.
Barnahus, sexu-abusuen biktima izan diren adingabeei arreta integrala emateko EAEko lehen zerbitzua
Arreta "homogeneoa eta koordinatua" emango zaie Barnahus etxean sexu-indarkeria pairatu duten haur eta nerabeei; espazio bakarrean jasoko dituzte osasun, hezkuntza, gizarte, polizia eta justizia zerbitzuak.
EAEko Auzitegi Nagusiak 88 urtera igo dio kartzela zigorra 11 adingaberi sexu-abusuak egiteagatik zigortutako Hondarribiko surf monitoreari
Gipuzkoako Auzitegiak 71 urte, 5 hilabete eta 9 eguneko kartzela ezarri zion, eta, hortaz, 17 urte gehituko zaizkio. Dena den, epaia ez da irmoa eta helegitea jar dakioke Auzitegi Gorenean.
Gizon bat atxilotu dute Iruñean, kirol-klub bateko garagardo txorrota irekita utzi eta 450 litro alferrik galdu direlako
Gauez gertatu zen, ostalaritza-establezimendua itxita zegoela. Poliziak jakinarazi duenez, ustezko egilea bertan sartu zen eta garagardo-zisterna bateko txorrotari eragin zion, baimenik gabe.
EAEko emakumezko erizainen ia erdiek diote komentario sexistak jasan dituztela
Euskadiko emakumezko erizain eta fisioterapeuten ia erdiek iruzkin iraingarriak jasan dituzte, SATSE Erizainen Sindikatuak egindako inkesta baten arabera. Kasuen % 85 baino gehiago ez dira salatzen. Ikerketa Emakumearen aurkako Indarkeria Desagerrarazteko Nazioarteko Eguna berehala izango dela eta eman ezagutzera.
Begoña Pedrosa: "Irakasleen eskubideen edo euren lanaren aurkako edozein jokabide onartezina da"
Begoña Pedrosa Hezkuntza sailburuak babesa adierazi nahi izan dio Santurtziko ikastetxe bateko ikasle talde baten jazarpenaren biktima izan den irakasleari. "Ikastetxeak Ikasleen Eskubideei eta Betebeharren Dekretuaren esparruan aurreikusitako prozedurak aktibatu ditu, eta sailetik prozesu horri laguntzen jarraituko dugu, hurbiltasun eta errespetu osoz", adierazi du Pedrosak.
Kezka Lizarra inguruan, frankismoari eta ultraeskuinari lotutako talde bat dagoelako bertan
Oinarri frankista eta ultraeskuindarra duen talde batek eraikinak erosi ditu Deierriko haran txikian, Lizarrako merindadean eta Iruñetik 40 bat kilometrora. Fundazioak sekten ezaugarri batzuk ditu, baina ez sekta gisa katalogatzeko adina.