EAEk ez du pandemia aurreko organo emateen tasa berreskuratu, altua den arren
Euskal Autonomia Erkidegoak (EAE) organo eta ehun emaile kopuru handia du, nahiz eta azken bi urteotan pandemiak zailtasunak eragin dituen, eta emateen tasa % 18 jaitsi den pandemia aurreko mailarekin, 2018 eta 2019ko datuekin, alderatuta.
Eusko Jaurlaritzako Osasun Sailak emandako datuen arabera, 2021ean milioi bat biztanleko 51,13 emaile izan zituen EAEk, aurreko urtearen oso antzeko kopurua.
Osasun Sailak azpimarratu duenez, "EAE da 2000. urtetik urtean batez beste milioi bat biztanleko 40 emaile baino gehiago dituen herrialde bakarra".
Iaz emaileen heriotzen % 53,9 istripu zerebrobaskularraren ondorio izan ziren, eta % 13,3, garezur eta garuneko traumatismoaren ondorio (% 6,2 trafiko istripuagatik).
Organo eta ehun emateek 2020-2021ean behera egin duten arren, epe berean egindako transplanteak ez dira maila bertsuan jaitsi, % 4 bakarrik egin baitute behera, "prozeduren efizientziaren eta profesional parte-hartzaileen ondorioz", Osasun Sailaren arabera.
Iaz, guztira 237 pertsonari egin zioten organo-transplantea EAEn edo EAErekin hitzarmena duten beste autonomia-erkidego batzuetan; alegia, milioi bat biztanleko 107 pertsonak.
Hala, azken 10 urteotan, guztira 2.497 organo-transplante egin dira EAEn: 1.518 giltzurrunetakoak, 718 gibelekoak, 122 kardiakoak eta 139 biriketakoak. EAEn paziente transplantatuen tasa urtean milioi bat biztanleko 110 pertsonatik gorakoa izan da.
2021ean, 145 ehun-emate (korneak, ehun osteotendinosoa, azala…) egin ziren. Transfusio eta Giza Ehunen Euskal Zentrora bidaltzen dira, Galdakao-Usansoloko Ospitalera, haiek prozesatu, babestu eta transplantatzeko banatu ditzaten.
Era berean, hezur-muineko 47 transplante egin ziren Euskadiko Erreferentzia Zentroan, Donostia Unibertsitate Ospitalean.
Espainiako Estatuan 40,2 emaile dituzte milioi bat biztanleko
Osasun Ministerioak ere organo eta ehun emateen datuak eguneratu ditu gaur. EAEn ez bezala, 2021ean gora egin zuten (% 8 gehiago), baina han ere pandemia aurreko zenbaki errekorretara ezin bueltatuta egon dira.
Carolina Darias Osasun ministroak iragarri duenez, Espainian milioi bat biztanleko 40,2 emaile daude; EBko batezbestekoa (18,4) halako bi eta Alemaniakoa (10,9) halako lau.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.