Covid pasaportea bertan behera uztea eta murrizketak berrikustea: LABIk mahai gainean izango dituen gaiak
LABI instituzionala berriz ere bilduko da ostiral honetan, hilabeteren ostean, 16:30ean. Mahai gainean, bi kontu izango dituzte lehendakariak eta erakundeetako ordezkariek: osasun pasaportearen erabilera aztertzea eta egun indarrean dauden murrizketak luzatu edo ez erabakitzea.
Oraingoz, baieztatuta dagoen neurri bakarra eskola kirolaren itzulera da, ostiral honetatik bertatik. Bestalde, litekeena da covid pasaportea bertan behera uztea, dagoeneko Kantabrian eta Asturiasen egin duten bezala. Izan ere, neurri horren eraginkortasuna norainokoa den aztertzen ari da Jaurlaritza.
Txertatze ziurtagiriaren erabilera luzatu nahiko balu, Jaurlaritzak berriz ere baimena eskatu beharko lioke EAEko Auzitegi Nagusiari. Eta neurria amaitzeko egun gutxi falta diren honetan (astelehenera arteko baimena eman zuten epaileek), oraingoz ez du egin.
Testuinguru honetan, beraz, zalantza nagusia da murrizketekin zer gertatuko den. Ostiralean amaituko dira, eta, joan den astean, Bingen Zupiria Jaurlaritzako bozeramaileak ez zuen baztertu Gobernuak neurriak luzatzea. Azken egunetan, baina, ez dute pistarik eman ez Iñigo Urkullu lehendakariak, ez Gotzone Sagardui Osasun sailburuak.
LABIren Aholku Batzordearen azken bilera abenduaren 28an egin zuten. Besteak beste, ostalaritza 01:00etan ixtea erabaki zuen, eta lokaletan edukiera orokorra % 60koa izan zen, gehienez 10 pertsonako taldeekin. Gainera, barran kontsumitzeko debekua ezarri zuen.
Neurri horiek jasotzen dituen dekretua abenduaren 29an sartu zen indarrean, eta, oraingoz, urtarrilaren 28ra arte egongo da indarrean.
eitb.eus-ek zuzenean eta streaming bidez eskainiko du LABIren bileraren osteko agerraldia.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.