Kaldereroek ez dute otsailaren 5ean desfilatuko, ezta bi aste geroago ere, Donostiako Udalak proposatu bezala

1884 Alde Zaharreko Kalderero Konpartsa Zaharrak ez du otsailaren 5ean desfilatuko, ezta Donostiako Udalak proposatutako egunean ere, bi aste geroago, "entseguak egiteko osasun baldintzarik ematen ez delako".

Gipuzkoako hiriburuaren kalderero jaietako konpartsarik zaharrenak asteazken honetan agiri batean azaldu duenez, azken egunetan "partehartzaileekin kontsultatu" dute erabakia hartzeko.

Konpartsak ziurtatu duenez, "erantzukizun ariketa batean", 2022ko beste egun batean ateratzeko aukera aztertuko dute, beti ere "osasun egoerak hobera" egiten baldin badu eta ospakizuna "normaltasun zaharrera ahalik eta gehien egokitzea posible bada", hau da, "formatu ezagunean" egitea "ohiko kolaboratzaile guztiekin".

Honenbestez, Udalaren planteamendua baztertu dute. Kaldereroen desfilea "murrizketekin" otsailaren 19an egitea proposatu zuen erakundeak.

Neurri murriztaileek "festa desitxuratu eta kabalkada soil bihurtuko lukete"; izan ere, konpartsak zaldiak, kolaboratzaileak eta elkarteak kanpo utzi beharko lituzke, Irungo erraldoiak eta buruhandiak, Frantziako malabaristak esaterako.