4728 hautagai, 424 erizain postutarako Nafarroan
4.728 pertsonak parte hartu dute igande honetan Nafarroako Gobernuak 424 erizain postu betetzeko deitutako lehiaketa-oposizioan (onartutakoen % 87,76).
Proba 16:00etan hasi da Arrosadiako campuseko NUPeko ikasgelategian. Eta aurrez, elkarretaratzea egin dute hautagaiek "gaizki tratatuak" sentitzen direla salatzeko. Pandemiako bi urteetan, txandak bikoiztu, bajan ziren lankideak ordezkatu... eta lanean etengabe aritu ondotik, lan deialdi honetara ahituta iritsi direla salatu dute, bai fisikoki bai mentalki, eta ez dutela ikasteko astirik izan; eta gaur, euren lan-egonkortasuna zegoen jokoan.
424 lanpostu betetzeaz gain, prozesuak aldi baterako kontrataziorako eta aldi baterako barne-sustapenerako hautagaien zerrenda osatzeko balioko du, bai Osasunbidea-Nafarroako Osasun Zerbitzuan, bai Nafarroako Osasun Publikoaren eta Lan Osasunaren Institutuan.
Deialdia
Nafarroako Foru Gobernuak gogorarazi duenez, eskainitako 424 plazetatik 192 txanda irekikoak dira, eta beste 191 sustapen-txandakoak. Halaber, 33 plaza gordeko dira desgaitasunen bat duten pertsonentzat, eta beste zortzi, genero-indarkeriaren biktima diren emakumeentzat. Prozesuan parte hartzeko onartuak izan ziren 5.357 pertsonetatik 4.811 emakumeak dira eta 546 gizonak.
Hautagaiek 100 galderako test moduko azterketa bat egin behar izan dute eta erreserbako 10 galdera (8 gai orokor eta 72 osasun gai espezifiko zeuden temarioan).
Oposizio fase honek gehienez 60 puntu izango ditu, eta gutxienez 30 puntu lortu behar dira aurrera jarraitzeko.
Oposizio-ariketa gainditu ondoren, lehiaketa-fasea hasiko da, eta gainditu dutenen merezimenduak baloratuko dira. Zehazki, egindako lana, prestakuntza, irakaskuntza- eta ikerketa-lana eta hizkuntzak hartuko dira kontuan. Lehiaketa-faserako aurreikusitako gehieneko puntuazioa 40 puntukoa da.
Zure interesekoa izan daiteke
Hiru hildako eta gaixotu bat ustez hantabirusagatik kruzero batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago aztoratzeko arrazoirik".
Eric Courdyren heriotzagatik auzipetutako boxeolari ohiak barkamena eskatu eta bere gain hartu du hilketa
"Egindakoa onartzen dut eta barkamena eskatzen diot biktimaren familiari", esan du lehen saioan. 09:00etan hasi dira Verin epaitzen, hilketa gertatu zenetik ia bi urtera.
Bikotekideak 13 labankada eman zizkion Maialen Mazoni, "hiltzeko asmoarekin", fiskalaren arabera
45 urteko espetxe zigorra eskatu du Fiskaltzak hiltzailearentzat, Zigor Kodeak baimentzen duen zigorrik handiena. Zehazki, 25 urte azpikeriaz eta ankerkeriaz egindako hilketagatik (emakumea labankadaz hil zuen), 8 urte bi abortu delituengatik eta 4 urte adingabea (onik atera zen 2 urteko alaba) abandonatzeagatik.
34 urteko gizon bat atxilotu dute Iruñean, sexu-erasoa egotzita
Atxiloketa Nafarroako hiriburuko Udaltzaingoak egin zuen, igandeko lehen orduan.
Datorren ikasturtean Lanbide Heziketako 74.963 plaza eskainiko dira EAEn, inoiz baino gehiago
Berrikuntza gisa, Lanbide Heziketako plazen % 50 emakumeentzat gordeko dira 2026-2027 ikasturtetik aurrera.
Lehiaren Euskal Agintaritzak isunak jarri dizkie eskola garraioko 31 enpresari, Hezkuntza Sailari boikota egiteagatik
2023-2024 ikasturterako lehiaketan, Gipuzkoako ibilbideak baino ez ziren esleitu. Horregatik, Eusko Jaurlaritzak agindu bat argitaratu zuen, aurretik Bizkaian eta Araban esleipendun izan ziren enpresak zerbitzua betetzera behartzeko.
Aldentze aginduen inguruan zeukan protokoloa aldarazi zion Ertzaintzari Maialen Mazonen hilketak
Maialen "arrisku handiko" biktima zen indarkeria matxistarekin lotutako kasuak aztertzen dituen Estatuko VioGen sistemaren arabera. Ertzaintzak, ordea, "arrisku txikiko" biktimatzat jo zuen. Antza denez, Polizia Nazionalaren VioGen sistemako eta Ertzaintzaren EVA sistemako artxiboak ez zetozen bat. Bestalde, Ertzaintzak berak kasuaren inguruan egindako balorazioak ere huts egin zuen.
2025ean 13.297 haur jaio ziren EAEn, 2024an baino %2,8 gehiago
2025eko azken hiruhilekoan, 3.438 jaiotza izan ziren Euskal Autonomia Erkidegoan, hau da, iazko aldi berean baino % 6,1 gehiago, Eustaten datuen arabera.
Bi pertsona atxilotu dituzte Donostiako Herrera auzoko pabiloi batean izandako suteagatik
Sua goizaldean piztu da, Zardoya fabrika zaharreko gela batean. Ondorioz, lau pertsona zauritu dira eta horietako bat Donostia Ospitalera eraman dute. Hiru lagun tokian bertan artatu dituzte, kea arnasteagatik. Lehen ikerketen arabera, sutea nahita piztu dute.
Leioak gauerdira arte luzatu du TAOaren ordutegia
Udalbatzak erabaki hori hartu du arratsalde-gauean Leioako hiru TAO guneetan (Pinueta, Lamiako eta Ibaiondo) aparkatzeko arazoak izaten direlako, Getxoko bizilagun askok hor uzten dutelako autoa.