Nolako eragina izango du araudi berriak Euskadiko 258 joko-establezimenduetan?
Eusko Jaurlaritzak jokoaren araudia zorroztu du, eskaintza egokitzeko, joko patologikoa prebenitzeko eta osasun publikoa bermatzeko. Dekretu berria gaur publikatu da EAEko Aldizkari Ofizialean, eta, horren ondorioz, hainbat joko-areto itxi egin beharko dituzte; izan ere, besteak beste, ezingo da horrelako establezimendurik egon ikastetxeetatik 150 metro baino gutxiagotara.
Egun, Euskal Autonomia Erkidegoan, hipodromo bat, bi kasino, 14 bingo, 32 apustu-etxe eta 209 joko-areto daude, Jokoaren Euskal Behatokiaren arabera, baina araudi berriarekin, 39 joko-areto itxi beharko dituzte.
Gainera, Jaurlaritzak hiru urtean behin berrikusiko du joko-establezimenduen eskaintza, "unean uneko egoerara egokitzeko".
Hain zuzen ere, hauek dira bihar, asteazkena, indarrean sartuko diren neurri berriak, gaur (2022ko otsailak 15) EAEko Aldizkari Ofizialean argitaratu ondoren:
- Joko-establezimenduen arteko gutxieneko distantzia fisikoak mugatuko dira. Hala, edozein eratako joko-aretoen artean gutxienez 500 metroko tartea izan beharko da, nahitaez. Era berean, ezingo da joko-areto edo apustu-etxerik egon ikastetxe arautuetatik 150 metro baino gutxiagotara.
- Euskadiko joko-aretoen kopurua mugatu egingo da. Aurrerantzean, hiru kasino (lurralde historiko bakoitzeko bat), hipodromo bat, 14 bingo, 60 apustu-etxe eta 170 joko-areto egongo dira, araudi berriaren arabera.
- Ez da makinak ustiatzeko baimen berririk emango. Egun, 7.897 joko-makina daude ostalaritzako lokaletan. Horrez gainera, joko-postu bakoitzak 3 metro karratu izatea ere ezarriko da.
- Joko-aretoen sarrerak kontrolatu beharko dituzte, baita ostalaritza-eremuetakoa ere. Adingabeen, ahalmena mugatuta dutelako debekatu gisa erregistratuta dauden pertsonen, euren buruari sartzea debekatu dietenen eta abarren sarrera kontrolatu beharko dute lokalek.
- Publizitatean murrizketak indartuko dira. Debekatuta egongo da jokoari buruzko publizitatea egitea komunikabideetan 06:00etatik 24:00etara. Aldi berean, ezingo da ospe publikoa duten pertsonekin edo adingabeekin egindako iragarkirik argitaratu, eta publizitateak ezingo du iradoki jokoa dirua azkar eta ahaleginik egin gabe lortzeko metodo erraza dela.
Era berean, kirol ekipamenduak edo kamisetak ezingo dira babestu jokoaren arloko establezimendu, enpresa edo operadoreekin, eta debekatuta geratuko da kirol-zentroetatik 150 metrora baino gutxiagora publizitate liburuxkak banatzea edo kanpoko publizitatea jartzea.
- Zabaldu egin da debekatuen erregistroan izena eman ahal izateko lekuen sarea. Osakidetzan eta errehabilitazioko elkarteetan ez ezik, ertzain-etxeetan, joko-aretoetan bertan eta online jokorako etxeetan ere egin ahal izango dira izen-emateak.
Albiste gehiago gizartea
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.