Gipuzkoako bortxatzaileak dozena bat botxaketa egin zituela egiaztatu du Ertzaintzak
Beasainen eta Lasarte-Orian (Gipuzkoa) emakume bana bortxatu izana aitortu duen gizonak beste dozenaka sexu eraso egin zituela garbi du Ertzaintzak, kasu gehienak salatu ez baziren ere. Hala deklaratu dute gaur auzia ikertu zuten bi ertzainek, Gipuzkoako Lurralde Auzitegian Lasarte-Orian gertatutako bortxaketaren harira atzo hasitako epaiketaren bigarren egunean.
Azaldu dutenez, Gipuzkoako serie-bortxatzaileak hainbat aldiz eraso zien bere biktimetako lauri (horietako bat, 10-12 bider) eta bortxaketak grabatu egin zituen. Are, bideotako bat musikarekin eta testuarekin editatu zuen, eta emakumeetako bati bidali zion.
Orain arte ezagutzen ez ziren datuak eman dituzte agenteek euren deklarazioan. Azaldu dutenez, gizona ikerketapean zuten 2012tik, baina 2019ra arte ezin izan zuten atxilotu. Urte hartan Beasaingo emakume batek egindako salaketari esker, auzipetuaren DNA lortu zuten agenteek, eta aurreko kasuekin lotu.
Atxilotu zutenean, bortxaketa ugariren argazki eta bideoak topatu zizkioten ordenagailuan. Irudiotan konorterik gabe eta biluzik ageri ziren biktimak. Dozena bat guztira.
Grabazio horiek etxebizitzetan grabatuta zeudenez, eraso egiteko modua aldatu zuela ondorioztatu zuten agenteek. Hasieran kalean egin zituen bortxaketak eta espraia erabilita indargabetzen zituen biktimak. 2015etik aurrera, baina, kloroformoa erabiltzeari ekin zion eta etxe barruetara pasatu zen.
Antza, berarekin lan egiten zuten gizonei giltzak lapurtzen zizkien, etxe horietan bizi ziren emakumeei eraso egiteko.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.