Milaka pertsona atera dira Iruñean osasungintza publikoaren alde
Iruñeko kaleak bete dituzte milaka pertsonak ostiral honetan, osasungintza publikoaren alde eta hori indartzeko eskatuz, aurrekontu altuagoekin eta Osasunaren Foru Lege batekin.
Hala azaldu du hedabideen aurrean Felix Zabalza Nafarroako Osasun Plataformako kideak. "Osasungintza publiko eta unibertsala blindatzeko" eskatu du.
Osasungintza publikora bideratutako aurrekontuak areagotzeko aldarrikapena egin dute plataformatik, Lehen Arretan bereziki, "osasunera bideratutako kontuen portzentajeek berdinak izaten jarraitzen baitute".
Gainera, eskatu dituzte "plantillen sendotzea eta areagotzea, murrizketak berreskuratzeko eta herritarrak lanpostu egonkorra duten profesionalek artatuko dituztela bermatzeko, aurrez aurreko arreta gehiago benetako ratioekin eta administrazioko langile gehiago, kalitatezko arreta bermatuko dutenak".
"Pandemiak erakutsi digu inoiz baino beharrezkoago dugula Nafarroako osasun sistema publikoa eraldatzea eta hobetzea, eta orain da une hori", gaineratu du Zabalzak.
Horretarako, azaldu du beharrezkoa dela "legegintzaldi honetan Osasunaren Foru Lege berri bat onartzea, aipatutako egiturazko beharrei aurre egingo diena eta parte-hartze sozial zabalenetik landutakoa".
"Osasun sistema publiko sendo eta unibertsal baten aldeko apustua da geurea, lehen arretan oinarritua, politika guztietan osasuna duena, zergekin finantzatua eta desberdintasuna urritu eta herritargo osoarentzat bizi-baldintza duinak sustatuko dituena", adierazi du Zabalzak.
Era berean, premiazkotzat jo du "Nafarroako Osasun Sisteman lan-baldintzak errotik hobetzea".
"Plantillak egonkortu behar dira, behin-behinekotasun onartezina eten, kontratazioa duin bihurtu, zerbitzu batzuetako gainkarga murriztu, garbiketa bezalako lanpostu pribatizatuak eraldatu eta kolektibo askoren karrera profesionalaren bereizkeria eten", berretsi dute Nafarroako Osasun Plataformatik.
Zure interesekoa izan daiteke
Euria dela eta, hainbat gorabehera daude euskal errepideetan
Gutxienez lau istripu izan dira EAEko sare nagusian, eta auto-pilaketak daude hainbat puntutan.
Indarkeria matxista eta hori eusten duten sareak salatuko ditu Euskal Herriko Mugimendu feministak azaroaren 25ean
Elkarte feministak ari dira emakumeen aurkako indarkeria ezabatzeko nazioarteko eguneko mobilizazioak prestatzen. Euskal Herriko Mugimendu Feministak manifestazioak deitu ditu Hego Euskal Herriko hiriburuetan 19:00etan eta Baionan 18:30ean.
Askabide klinikako gerenteak salatu du presioa etengabea zela: "Errezoak erabiltzen dituzte, astakeriak esateko"
Fiskaltzaren arabera, abortatzera joandako andreak eta klinikako langileak jazartzen zituzten, protesten bidez. Akusatuek, berriz, defendatu dute adierazpen askatasunaren barruan kokatzen direla euren ekintzak.
Uribe Kostako ikasleek babesa eman diote jazarpena jasan duen irakasleari, eta ikasketa-bidaiaren betoari irtenbidea emateko eskatu dute
Uribe Kosta institutuko DBHko 4. mailako ikasleek elkarretaratzea egin dute, ikasketa-bidaia bertan behera uztearen aurka protesta egiteko. Izan ere, ikastetxeak eskolaz kanpoko jarduera guztiak bertan behera utzi ditu, Adingabeen Fiskaltzaren aurrean salatu duten irakasle baten aurkako etengabeko jazarpenagatik.
Naroa Iturri, Askabide Klinika: "Epaiketara iristea garaipen bat da guretzat"
Naroa Iturri Askabide klinikako arduradunetako batek adierazi duenez, beraiek nahi dutena da beren kliniken inguruan segurtasun perimetro bat legez ezartzea, lasai lan egin ahal izan dezaten.
Joxe Ramon Bengoetxea (EHU): "Gure politika bakarra unibertsitate politika da"
Bere hitzetan, azkenaldian tentsio gisa interpretatu diren gertakarien atzean dagoena da “bi elementuk denboran kointziditu” izana: “Bat, Jaurlaritzak egindako aurrekontuen proposamena, eta bestea, gu gure premien azterketa eta diagnosia bukatzen ari ginela. Bi gauza desberdin dira”, Bengoetxearen esanetan. “Jakina gure premien diagnosia egiten da gero horrek aurrekontuetan isla izateko asmoarekin, baina jabetzen ginen denborak eta epeak desberdinak direla”, gaineratu du.
Martxan da Gasteizko Askabide klinikaren aurrean protesta egin zuten 21 lagunen aurkako epaiketa
Zigor arloko 1 zenbakiko epaitegiak ahozko hiru saio ditu aurreikusita aste honetarako: astelehenean, asteartean eta ostegunean egingo dituzte saioak. Lehenengo egunean lekukoek hartu dute hitza.
Sei ibilgailu kiskali dira Gasteizko industria-pabiloi gune batean izandako sutearen ondorioz
Ezbeharra 06:00ak inguru jazo da, Miravalles kaleko pabilioi-gune batean. Ez da zauriturik izan. Ertzaintzak ikerketa abiatu du sutearen nondik norakoak argitzeko.
Boliviak azken agurra eman dio Xabier Azkargortari
Senideek, zaleek eta 94ko selekzioko jokalariek omenaldi hunkigarria egin diote azpeitiar entrenatzaile ohiari.
Osakidetzak 45 urtera aurreratuko du bularreko minbizia atzemateko baheketa, eta bere gain hartuko ditu egun pribatura bideratzen dituen abortuak
Osasun sailburuak iragarri duenez, progresiboki hasiko dira haurdunaldiaren borondatezko etenak egiten, "bi urteren buruan" beren gain hartzeko aurreikuspenarekin. Gainera, 2027rako, 45 urtera jaitsiko da bularreko minbizia atzemateko baheketen adina.