150 plazako gune bat prestatu du Jaurlaritzak Irunen Ukrainatik datozen pertsonak hartzeko
Eusko Jaurlaritzak 150 plazako gune bat prestatu du Irunen, Ukrainako errefuxiatuak hartzeko. Zentro hori premiazko harrera-gunea izango da, eta handik Berrizen, Oñatin eta Tolosan prestatutako zentroetara bideratuko dituzte.
Hala baieztatu du Xabier Legarreta Jaurlaritzako Immigrazio eta Asiloko zuzendariak, Ukrainako errefuxiatuei Euskadin egingo zaien harrerari buruz erabakitzeko astearte honetan egin den erakunde arteko mahaiaren ostean.
Legarretak azpimarratu duenez, euskal gobernuak konpromisoa hartu du beste behin, eta laguntza eskaini du Ukrainan gerratik ihesi doazen pertsonei harrera egiteko. "Herri erantzuna antolatzeko unea da, hau da, guztion arteko erantzun ordenatu eta koordenatu bat eman behar dugu", esan du.
Horretarako, 150 plaza izango dituen gune bat prestatu da Irunen, premiazko harrera-gune gisa balioko duena, eta handik Berrizen, Oñatin eta Tolosan prestatutako zentroetara bideratuko dira pertsonak. "Hain zuzen ere, hiru zentro horiek berrantolatzen ari gara, Ukrainatik datozen pertsonak epe ertain eta luzera hartzeko prest egoteko".
Era berean, Immigrazio eta Asiloko zuzendariak adierazi du pertsona asko ari direla gerratik ihesi doazen familiei harrera egiteko prest. "Elkartasun horri ere erantzun bat eman nahi diogu", adierazi du. Horretarako, helbide elektroniko bat jarri da abian: errefuxiatuak@euskadi.eus.
Bestalde, hainbat elkarte Ukrainarako dirua eta premiazko tresnak, arropa, janaria, sendagaiak eta material medikoa biltzen ari dira Euskadin. Lau bilketa-puntu ezarri dira Gasteizen, Irunen, Bilbon eta Donostian.
Albiste gehiago gizartea
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.