Enplegu publikoa eskuratzeko euskara eskakizuna, Konstituzionalerako bidean
Eusko Jaurlaritzak kezkaz hartu du EAEko Auzitegi Nagusiak legearen konstituzionaltasunaz galdetzeko aukera mahaiaren gainean jartzea, euskara administrazio publikoan normalizatzeko markoa bera zalantzan jartzen duen erabakia dela iritzita. Fiskaltza, ordea, ados dago Auzitegi Konstituzionalari kontsulta egitearekin.
Euskararen aurkako epaien kontrako alkateen protesta. Artxiboko argazkia: UEMA
EAEko Justizia Auzitegi Nagusiak Euskal Enplegu Publikoaren Legearen artikulu baten legezkotasunari buruzko kontsulta egin nahi dio Konstituzio Auzitegiari.
PPk eta Voxek euskararen normalizazioaren dekretuari aurkeztutako bi helegiteak ebatzi behar ditu Justizia Auzitegi Nagusiak. Erantzun aurretik, ordea, Auzitegi Konstituzionalari iritzia eskatzeko aukera mahai gainean jarri du eta alegazioak aurkezteko eskatu die bi alderdiei eta Fiskaltzari.
Zehazki, 187.5 artikulua da ezbaian jarri dutena, administrazio publikoko lanpostu guztietan hizkuntza-eskakizuna zehaztu beharra dagoela dioena.
Fiskaltza Konstituzionalari galdera egitearen alde agertu da. Erakundeko iturrien arabera, fiskalen artean zalantzak daude artikulu horren konstituzionaltasunari buruz.
Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak, ordea, kezkaz eta harriduraz hartu du gertaturikoa. Horren esanetan, Euskadiko Auzitegi Nagusiak abiatutako bidea ezohikoa da, eta euskara administrazio publikoan normalizatzeko markoa bera zalantzan jartzen du.
Hizkuntza-eskakizunen aurkako epaiak asko izan direla gogora ekarri ondoren, orain gertatutakoa "jauzi larria" dela nabarmendu du Bengoetxeak; hain zuzen ere, Euskal Enplegu Publikoaren Legea Konstituzioaren araberakoa ote den ala ez ezbaian jarri delako. Hori dela eta, Jaurlaritzak kontrako alegazioak aurkeztu ditu, aipaturiko legea "konstituzionala" dela adieraziz.
Alegazioak aurkeztu ondoren, EAEko Auzitegi Nagusiak erabaki beharko du konstituzionaltasun-galdera aurkezten duen ala ez, eta autoa eman beharko du. Azkenean galdera igortzen bada, egintzak behin-behinean etenda geratuko dira, Konstituzio Auzitegiak, lehenik, galdera onartzen duen ala ez jakinarazten duen arte, eta, onartzen badu, bere ebazpena eman arte.
Zure interesekoa izan daiteke
Lau pertsona artatu dituzte Gasteizko zabortegi batean izandako sutearen kea arnasteagatik
Sua asteazken honetako 17:00ak aldera piztu da, eta ez dago sugarrak baso-eremura zabaltzeko arriskurik.
Bost hildako eta zauritu bat AP-8an, Elgoibarren, furgoneta baten eta kamioi baten arteko istripuan
Hildakoak furgonetako bidaiariak ziren, Nafarroako foruzainak denak; Iurretan praktikak egitera zihoazen. Kamioi gidaria da zauritutakoa. Errepidea guztiz itxi dute, hasieran, bi norabideetan; geroxeago errei bat zabaldu dute Irunerako noranzkoan, baina arratsaldean zehar kamioia erretiratu arte, beste errepide batzuetatik bideratuko dute trafikoa.
Epaimahaiak errudun jo ditu Lukas Agirre hiltzeaz akusatutako bi gizonak
Hala ere, aringarria ezarri dio akusatu nagusiari drogak kontsumitzeagatik. Bigarren akusatuaren kasuan, erantzukizun penalaren aldaketa bikoitza erabaki du buruko nahasmendu bikoitzagatik eta estupefazienteak kontsumitzeagatik.
Osasun Sailak tenperatura kaltegarrien atalaseak eguneratu ditu: 25,7 gradutik Gipuzkoako kostaldean 36,9 gradura Nafarroako Erriberan
Gehiegizko Tenperaturak Osasunean dituen Eraginak Prebenitzeko Jardueren Plan Nazionala asteazken honetan aurkeztu da, eta irailaren 14ra arte egongo da indarrean.
Honela dago trafikoa AP-8 autobidean, Eibar eta Elgoibar artean, Maltzagako istripuaren ondoren
Errei bat ireki dute Donostiara norabidean, baina zirkulazioa oso zaila da oraindik AP-8an, Eibar eta Elgoibar parean. Bilboko noranzkoan bi erreiak itxita jarraitzen dute, eta istripua izan duen kamioia gauean erretiratuko dute bidetik.
?fmt=webp-alpha&qlt=80)
23 pertsona atxilotu dituzte Iruñerrian, Vito Quilesen ekitaldi baten harira izandako istiluengatik
Espainiako Polizia Nazionalaren operazioak irekita jarraitzen du eta atxiloketa gehiago izan daitezke.
Nafarroako Gobernua Elgoibarko istripu larrian hildako bost lagunen omenezko ekitaldi instituzionala prestatzen ari da
Furgonetan zihoazen bost bidaiariak Nafarroako foruzainak ziren. Imanol Pradales lehendakaria eta Maria Chivite Nafarroako Gobernuko presidentea atsekabeturik agertu dira ezbehar larriaren aurrean.
Asier, Maltzagako istripuaren lekukoa: "Larrialdi zerbitzuak oso azkar mobilizatu dira"
Radio Euskadin azaldu duenez, ez du istripuaren unea ikusi, baina bai berehalako ondorioak. Gertatutakoa azaldu du: kamioi bat galtzada batetik bestera igaro da, eta erdibitzailean geratu da, iraulita; istripuaren ondorioz, furgonetak kalte larriak izan ditu.
Elgoibarko istripuan hildako bost bidaiariak foruzainak ziren
Foruzainak Iurretara zihoazen, Ertzaintzarekin formakuntza ikastaro bat egitera.
Hamar urteren ostean, Eibarren zezen-ikuskizunak atzera programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Joan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".