Orioko Katxiña Upategiak eta Kanpezuko Arrea! jatetxeak bigarren Repsol Eguzkia saria jaso dute
Euskal Autonomia Erkidegoak bederatzi Repsol eguzki jaso ditu 2022an. Hartara, Orioko (Gipuzkoa) Katxiña Upategia eta Kanpezuko (Araba) Arrea! jatetxeek Repsol Gidaren bi sari dituzte dagoeneko.
Donostian astelehenean sariak banatzeko egin den ekitaldian, hirugarren Eguzkia saria eskuratu dute Espainiako Estatuko 2 jatetxek, bigarrena 12k eta lehenengoa 83k. Guztira, 97 Eguzki banatu dituzte.
Victoria Eugenia Antzokiko ekitaldian, Toledoko Cugarral del Angel jatetxeko Ivan Cerdeñok eta Adejeko (Santa Cruz Tenerifekoa) Juan Carlos eta Jonathan Padron anaiek Repsol Gidaren hirugarren Eguzkia jaso dute; barazkiak eta ehiza oinarri, "sukaldaritza bikaina, dotorea, zehatza eta fina" eskaintzen duelako lehenak, eta "mozorrorik gabeko plater finak" prestatzen dituelako bigarrenak.
Euskal gastronomian, esan bezala, Arrea! jatetxea saritu dute, Edorta Lamok bertan egiten duen "ibilbide emozional eta gastronomikoagatik". Bestalde, jakiak parrillan erretzeko duten eskuagatik saritu dituzte Katxiñako Iñaki eta Izaskun Zendoia anai-arrebak.
Repsol Gidaren saria jaso dute, halaber, Gipuzkoako Ama eta Narru jatetxeek, Bizkaiko Gotzon, Jauregibarria, La despensa de Etxanobe eta Remenetxe jatetxeek eta Arabako Kea jatetxeak.
Albiste gehiago gizartea
Iritsi dira Iruñera aurtengo sanferminetako entzierroetako lehen zezenak
Iritsi dira sanferminetako lehen zezenak Iruñera. Fuente Ymbro eta Victoriano del Rio ganadutegietakoak dira, uztailaren 7ko eta 10eko entzierroen protagonistak. Momentuz, Gaseko ukuiluetan daude atseden hartzen.
Bizkaia zubia martxan da berriro, matxura konpondu ondoren
Erabiltzaileek beste aukera batzuk bilatu behar izan zituzten larunbatean Getxotik Portugaletera edo/eta Portugaletetik Getxora joateko, matxura konpondu zuten arte.
2.000 bat ezkontza parekide egin dira Hego Euskal Herrian sexu berekoen arteko ezkontzak baimentzen zuen legea onartu zutenetik
2005eko irailaren 3an egin zen Hego Euskal Herrian lehen ezkontza parekidea, Gasteizko udaletxean. Lortutako aurrepausoak, baina, arriskuan daudela ohartarazi, eta olatu atzerakoiari aho batez erantzuteko eskatu dute.
LGTBIQ+ Harrotasunak Euskal Herriko kaleak hartu ditu, askatasunaren alde eta faxismoaren kontra
Dozenaka jarduera egin dira lurralde osoan zehar LGTBIQ harrotasunaren egunean. Martxa garrantzitsuenak Bilbon (/eguerdian), eta Gasteizen, Donostian eta Iruñean (arratsaldean) izan dira, eta milaka lagun batu dira horietara.
Gizon bat atxilotu dute Almerian, emaztea labankadaz hil ostean
63 urteko emakumea hilik aurkitu dute haren etxebizitzan, arma zuriz eragindako zauriekin. Ustezko hiltzailea erietxean atxilotu dute, bere buruaz beste egiten saiatu ostean, ospitaleratuta dagoelako.
Elkarretaratzea egin dute Hernanin, jaietan izandako eraso arrazisten aurka protesta egiteko
Astearte goizaldeko eraso ugariez gain, asteazkenean beste eraso bat izan zen, eta, Txozna Batzordeak salatu duenez, ez dira Hernanira soilik mugatu. "Ultraeskuinaren gorakadaren" ondorioa direla uste dute, eta "ez dira gertakari isolatuak" izan.
Adierazi gabeko alergenoak dituzten Bingqi Foods markako galletak Hego Euskal Herrian saltzen ari direla ohartarazi dute
Esnea, soja edo sulfitoak dituzte. Espainiako Elikagaien Segurtasunerako eta Nutrizio Agentziak (Aesan) alergia edo intolerantzia duten pertsonei gomendatu die ez kontsumitzeko. Produktu horiek kontsumitzeak ez du arriskurik gainerako herritarrentzat.
Ehgam-ek transfobian jarri du arreta aurten bere sariak banatzeko ekitaldian
Ehgam Euskal Herriko Sexu Askapenerako Mugimenduak Loratuz Lotu, Lumagorri, Anitzak eta SuminTrans kolektiboei eman die Urrezko Hirukia saria, Gurutzetako Ospitalearen Genero Identitatearen Unitateak pertsona transak artatzeko erabiltzen duen modua salatzen egindako lanagatik. Bestetik, feminista "transbaztertzaileek" Bilbon egin zituzten jardunaldiei eman diete Larruzko Espartina "antisaria", haur eta nerabe transak jomugan jartzeagatik.
Metro Bilbaok uztailaren 1ean jarriko du martxan udako ordutegia, maiztasunak egokituta
Ostiral eta larunbat gauetako zirkulazioa zerbitzu bereziekin osatuko dute, horren ibilbidean dauden udalerrietako jaiez eta kultura-ekitaldiez gozatu ostean etxera itzuli ahal izateko.
Motor-gidari bat hil da trafiko-istripuan Errezilen
Ezbeharra 17:45 inguruan gertatu da, Errezilen, GI-2634 errepidetik zihoan motozikleta bat bidetik atera denean. Gidaria, gizonezkoa, istripua izan den tokian bertan hil da.