Marian Elorza: "Euskadin bizi diren zenbait ukrainar gerran harrapatuta geratu dira"
Eusko Jaurlaritzako Kanpo Harremanetarako idazkari nagusi Marian Elorza elkarrizketatu dute astelehen honetan Radio Euskadiko 'Boulevard' saioan, eta, bertan esan duenez, jadanik 700 eskaintzatik gora izan dira Euskadin, Ukrainatik ihes egiten ari diren familiak hartzeko.
"Asteburu honetan jendea iritsi da Ukrainatik, baina ez gehiegi. Handik datozen pertsona gehienek familia edo harrera egingo dien norbait dute hemen", esan du.
Guztira, Elorzaren hitzetan, 150 plaza daude horientzat Irunen, baina Oñatin, Tolosan eta Berrizen ere badute tokia. "Edozein modutan, baliabideak indartu nahian gabiltza. Horretarako mapa batean irudikatu nahi dugu agertokia. Alegia, jakin nahi dugu zenbaterainoko eskaintza dagoen, horren arabera harrera tokiak zehazten joateko. errefuxiatuak@euskadi.eus helbidearen bidez jar daitezke harremanetan eskaintza egin nahi duten pertsonak", nabarmendu du.
Ildo horretan, azpimarratu du batzuek beren bigarren etxebizitza eskaini dutela, baina badirela etxean bertan Ukrainatik datozen adingabeak hartzeko eskaintza egin duten herritarrak ere. Eskertzekoa da elkartasun keinua. Gure asmoa da Ukrainatik datozen errefuxiatu guztiei hezkuntza, osasuna eta lana bermatzea.
Oraindik Ukrainan euskal herritarren bat geratzen den galdetuta, Elorzak adierazi du uste duela dagoeneko denak daudela bueltan, "nahiz eta Euskadin bizi diren zenbait ukrainar han harrapatuta geratu diren".
Arlo sozioekonomikoari helduta, Jaurlaritzaren Kanpo Harremanetarako idazkari nagusiak onartu du energiaren eta lehengaien prezioen gorakadak eragina izango duela euskal ekonomian. "Kaltetutako enpresentzako neurriak aztertu eta horiei laguntzak ematen saiatuko gara", zehaztu du.
Azkenik, Pablo Gonzalez kazetari bizkaitarrari buruz galdetuta, honakoa esan du: "Haren egoera zein den argitu nahian gabiltza. Halaber, Gonzalezen eskubideak babestu nahi ditugu. Ministerioa eta enbaxada lanean ari dira, eta bitartean adi jarraituko diogu haren kasua".
Zure interesekoa izan daiteke
Basauriko hilketa matxista salatu dute Berangon
Berangoko Udalak eta Emakumeen Elkarteak deituta, indarkeria zantzuekin hilda agertu zen 44 urteko emakume berangoztarra gogoan izan dute astearte honetan.
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.