Gasteizen bi emakume hil zituen gizonak azpikeriaz eta basakeriaz egin zuela ebatzi du epaimahaiak
Zinpeko epaimahaiak erruduntzat jo du Gasteizen emazte eta amaginarreba ohia labankadaz hil zituen gizona. Gainera, azpikeriaz eta basakeriaz egin zuela ebatzi dute, eta ez dute onartu akusatuak buruko arazoak zituela. Gertariak 2018ko apirilaren 20an.
Epaiketa atzo amaitu zen Arabako Lurralde Auzitegian, otsailaren 28an abiatu eta gero.
Epaimahaiko kideek genero larrigarria egotzi diote, eta emazte ohiaren kasuan, ahaidetasuna ere kontuan hartu dute.
Horrez gain, bikotekide ohiaren kontra basakeria fisikoa eta amaginarrebaren aurka basakeria psikikoa erabili zituela ebatzi dute.
Epaimahaiak bere ebazpena eman ostean, orain epaileak erabakiko du zigorra.
Fiskaltzak 50 urteko kartzela-zigorra eskatzen du gizonarentzat, ahaidetasun, genero eta basakeria larrigarriak kontuan hartuta.
Akusazio partikularrak 55 urteko espetxealdia galdegin du; eta herri-akusazioak -Clara Campoamor elkartea-, 60 urte.
Defentsak, berriz, 8 urteko zigorra eskatzen du, homizidioa izan zela eta buruko arazoak izan zituela argudiatuta.
Epaiketan, akusatuak adierazi zuen "burua galdu" zuela bi emakumeekin liskarra izan ostean, eta bere abokatuak azpimarratu zuen dibortzioak "trauma bat" eragin ziola eta bi semei eman beharreko pentsioaren harira bikotekidearekin izan zuen desadostasunak bere osasun mentalari eragin ziola.
Atzoko saioan, akusatuak esan zuen damututa zegoela eta barkamena eskatu zien bere bi semeei.
Alabaina, Fiskaltzak eta bi akusazioek nabarmendu zuten frogatuta geratu dela auzipetuak bi emakumeak "libre izatea nahi ez zuelako" hil zituela, ez zuela buruko arazorik izan, bazekiela zertan ari zen eta biak nola hiltzen zituen ikustera behartu zituela.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.