Aske gelditu dira Arabako Campusean izandako istiluetan atxilotutako 34 gazteak
Atzo Arabako Campusean izandako istiluetan atxilotutako 34 gazteak aske gelditu dira, Rodrigo Gartzia Eusko Jaurlaritzako Segurtasun sailburuordeak ostiral honetan baieztatu duenez.
Gaur goizean Donostian egin den prentsaurreko batean, atzoko istiluak gaitzetsi ditu sailburuordeak. Ikasle Abertzaleak hezkuntza erreformen aurka (Hezkuntza erreformak gelditu lelopean) deitutako greba egunaren testuinguruan, Ertzaintzak 34 pertsona atxilotu zituen kalteak eta desordena publikoak eragitea leporatuta.
Ertzaintzak guztira 34 ikasle atxilotu zituen, Gasteizko unibertsitate-campuseko hainbat fakultatetan eragindako istiluen ustezko egileak zirelakoan. Gainera, hainbat pertsona identifikatu zitten Farmazia eta Letren fakultateetan eta Las Nieves eraikineko ikasgelategian izandako gertakarietan parte hartu zutelakoan.
Segurtasun Sailaren arabera, istiluak goizeko bederatzi eta erdiak aldera hasi ziren, Euskal Herriko Unibertsitateak Arabako hiriburuan duen campusean. Kaputxadun talde bat hainbat fakultatetan sartu ziren, petardoak botaz, pintadak eginez eta kalte material ugari eraginez.
Gipuzkoako Campusean ere izan ziren istiluak. Hainbat gazte lau eraikinetan sartu ziren eta kalteak eragin zituzten, baina Gasteizen baino txikiagoak. Donostian ez zuten inor atxilotu.
EHUk istiluak gaitzetsi ditu eta adierazi du "ikasleria ordezkatzen ez duen gutxiengo batek bizikidetzaren kontrako erasoa" izan dela. Halaber, jakinarazi du kalteak zenbatzen ari direla eta datu guztiak dauzkatenean salaketa aurkeztuko dutela.
Zure interesekoa izan daiteke
Adin txikiko baten irudiarekin lagun bati estortsioa egiteagatik bi pertsona atxilotu dituzte Iruñean
Mehatxu eginez ia 50 mila euro lortu zituzten. Estortsioa jasan zuen gizonak berak aurkeztu zuen salaketa, eta horren ostean atxilotu dituzte 31 urteko gizona eta 29 urteko emakumea.
Juan Mari Aburto: "Ekitaldien alkatea baino, nahiago nuke igogailuen alkate gisa oroitua izatea"
Radio Euskadin egindako adierazpenetan, Juan Mari Aburto Bilboko alkateak adierazi du Aste Nagusiaren hirugarren jardunaldian zortzi atxilotutu egon direla eta 48 salaketa jarri direla, iazko epe berean baino kopuru txikiagoak. Halaber, azaldu du bere agintaldian Bilbon ekitaldi handiak antolatu diren arren, 'igogailuen alkatea' bezala oroitua izatea gustatuko litzaiokeela, horrek herritarren bizi-kalitatea hobetzen lagundu izanaren aitorpena baita.
Zortzi atxilotu eta 55 kilo janari konfiskatu dituzte Bilboko Aste Nagusiko hirugarren egunean
Jai-esparruaren barruan, lau pertsona atxilotu dituzte ebasketagatik, bi iruzurragatik eta zazpigarren bat erresistentziagatik. Jai-eremutik kanpo pertsona bat atxilotu dute, epailearen aginduz.
Ekaitz bortitz batek ia 90 litro utzi ditu metro koadroko hiru orduan Tarragonan
Suhiltzaileek 491 intzidentzia artatu dituzte denboraleagatik Katalunian, eta gorabehera handienak Tarragonan izan dira, 434 jarduketarekin. Azken datuen arabera, 30 zauritu izan dira, eta horietatik lau erietxera eraman dituzte.
Euskadin beroari lotutako ia 300 heriotza posible erregistratu dira udan
Adinari begiratuta, hildakoen % 92k 65 urte baino gehiago zituzten, Carlos III.a Osasun Institutuaren Eguneko Hilkortasuna Monitorizatzeko Sistemaren (Momo) kalkuluen arabera.
Bizkaiko pentsiodunek manifestazioa egin dute gaur Bilbon, Aste Nagusian, pentsio duinen alde
Aste Nagusiko giroan deitu dute manifestazioa, "jaietan ere, pentsionistak kalean" daudela gogorarazteko. Eusko Jaurlaritzaren jarrera gogor kritikatu du mugimenduak, eta legigintzarako herri-ekimena atzera bota izana salatu dute. Pentsio minimoa gutxieneko soldatarekin berdintzea eta osasun zein zaintza-sistema publiko, unibertsal eta doakoak bermatzeko deia egin dute.
Giro aparta Bilbon, lehiaketa gastronomikoan, bilbainadekin, eta publiko guztientzako hamarnaka jardueratan
Musika, antzerki eta dantza ikuskizunak tradizio jarduerekin uztartuko dira astelehen honetan, hala nola lehiaketa gastronomikoarekin, zezensuzkoarekin eta su artifizialekin. Gaur Athleticeko jokalarien harrera izango da eta Pentsiodunen Mugimenduak mobilizazioa egingo du.
Gernikako gaztetxeko kideek Udalak bertan egin nahi duen liburutegiko obrak atzeratzeko eskatu dute, alternatiba seguru bat izan arte
Duela urtebete baino gehiago okupatu zuten Gazte Asanbladako kideek “hamar urte baino gehiagoz hutsik” egon den eraikina.
Gizon batek sexu-erasoa egin dio emakume bati Iruñean, eta erasoa eragozten saiatu den pertsona bat jo du
Gainera, beste gizon bat atxilotu dute Nafarroako hiriburuan, bikotekide ohia kalean jo omen duelako.
Osasun Ministerioak eta erkidegoek Ceutara 45.000 txerto bidaltzea adostu dute
Ceutak hirukoitz birikoaren 15.000 dosi eta difteria-tetanos, barizela zein polioaren aurkako 30.000 jasoko ditu, uztailaren amaieran iritsitako adingabe migratzaileei txertoa jartzeko.