San Prudentzio Jaien itzulera iragarri du Gasteizko Probintzia Plazan egindako pregoiak
Gasteizko Probintzia Plazak lehen aldiz hartu du San Prudentzio eta Estibalizko Andre Maria Jaiak iragartzeko pregoia. Hala, 'de facto' itzuli dira Arabako Jaiak, bi pandemia urteren ondoren.
20:00ak aldera abiatu da pregoia, eta Maria Angeles Garcia Fidalgo Bioaraba Osasun Ikerketa Institutuko zuzendari zientifikoak izan du urteroko ekitaldia berreskuratzeko ardura.
Halaber, bertan izan dira Ramiro Gonzalez diputatu nagusia, Pedro Elosegi Batzar Nagusietako burua, Gorka Urtaran Gasteizko alkatea, Ana del Val Kultura eta Kirol diputatua, Gotzone Sagardui Eusko Jaurlaritzako Osasun sailburua eta foru gobernuko zein euskal eta arabar erakundeetako zenbait kide.
Aldundiak nabarmendu duenez, lehen aldiz izan da pregoia Probintzia Plazan, foru erakundearekin "zerikusi handia duen toki adierazgarrian", biztanlegoari gehiago hurbiltzeko asmoz. Big Band Berri taldearen emanaldiarekin amaitu da ekitaldia.
Hala, Arabak San Prudentzio eta Estibalizko Andre Mariaren jaiak berriz ospatuko ditu apirilaren 22tik maiatzaren 1era arte. Pandemia tarteko, bi urtez festak ospatu ezinik egon dira arabarrak.
Ohiturazko pregoiaren ostean, martxan jarriko da ia 80 jarduerako egitaraua: egun handiak hilaren 27a (erretreta) eta 28a (San Prudentzio eguna) izango dira, baita maiatzaren 1a ere (Estibalizko Andre Mariaren erromeria).
Albiste gehiago gizartea
Apirilean Bilbon gizon bat indarkeriaz ustez hiltzeaz akusatutako gizona aske utzi dute, kautelazko neurriekin
Ertzaintzak 30 urteko gaztea atzo atxilotu zuen, hilketaren ustezko egilea delakoan. Jende gehiago atxilotu daitekeela jakinarazi dute.
Gizon bat espetxeratu dute Donostian emakume bat jo eta bortxatzeagatik
Gertakariak larunbat gauean izan ziren, Udaletik baieztatu dutenez.
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.
Erretzea debekatuta, Iparraldeko parke eta hondartza publikoetan
Eskola inguruak, autobus geltokiak eta kiroldegiak ere debeku horren barruan daude. Hala ere, tabernetako terrazetan ez da debekua ezarri, eta neurriak ez die bapeagailu eta antzekoei eragiten.
Gizon bat atxilotu dute Bilbon, apirilean izandako hilketa baten egilea delakoan
Bilboko ertzain-etxean dago, atxiloturi, beharrezkoak diren izapideak amaitu zain.
Bero-boladan ondo lo egiteko aholkuak
Carla Pia Arabako ESIko Loaren Unitateko neurofisiologoak adierazi duenez, bero-boladetan jende askok okerrago egiten du lo, maila zentralean gure tenperatura jaitsi egin behar delako lo hartzeko, eta egun hauetako beroarekin zailagoa da. Arropa gutxiagorekin edo estali gabe lo egitea gomendatzen du, nahiz eta pertsona batzuei kosta egiten zaien.
Min kronikoa duten pertsonen kopurua igo egin da Euskadin, eta, horrekin batera, opioideen erabilera
Euskadin, 370.000 pertsonak pairatzen dute egunero min kronikoa, eta opioideen erabilera bikoiztu egin da sei urtean. Gorakada horrek alarma guztiak piztu ditu, eta botika horien abusua osasun publikoko arazo bihurtzen ari da. Adituek ohartarazi dute premiazkoa dela paradigma aldatzea: min iraunkorra tratatu bai, baina mendekotasuna saihestuta.
EHUk irudi berria aurkeztu du, Chillida Lekun
Chillidak bere garaian egin zuen "kontzeptu unibertsala"ri eutsi dio EHUk, baina marka sinplifikatu du "argiagoa eta gogoratzeko errazagoa egiteko, eta komunikazio inguru berrietara egokitzeko". Horrez gainera, EHUren ereserkia izango den abestia ere aurkeztu dute. Luca Fanelli eta Jone Uria irakasleek egin dute, eta Leire Berasaluzek abestu du.
Osakidetzak 67 lagun artatu ditu azken 10 egunetan, tenperatura altuen ondorioz
Osasun Sailak jakitera eman duenez, 55 pertsona horietatik 37 ospitaleetara nahiz osasun zentroetara eraman behar izan dituzte. Gipuzkoan jazo dira kasu gehienak (40), eta ekainaren 24, 28 eta 29an izan dira beroarekin lotutako intzidentzia kasu kopururik handienak.
Bidaiari bat atxilotu dute Loiun, kontrabandoagatik
Atxilotuak 2.550 tabako-pakete zeramatzan fakturatutako ekipajean.