Amaia Alvarez: "Ez dut uste Nafarroako Elizak ikerketan lagunduko duenik"
Amaia Alvarez historialaria Nafarroako Elizaren abusuak bildu dituen txostenaren egileetako bat da, eta, bitimak legez aitortuko dituen legearen tramitazioaren atarian, ez du uste hainbat urtez izandako gehiegikeriak argitzeko ikerketan "Nafarroako Elizak lagunduko duenik".
Nafarroako Gobernuak bidea egin du, biktimekin eta unibertsitatearekin batera, Elizak Nafarroan egindako abusuen biktimak identifikatzeko lanean. Izan ere, gaur eguerdian Santos Indurainek elkarlanerako hitzarmena sinatuko du Elizaren Sexu Abusuen Biktimen Elkarte nafarrarekin.
Euskadi Irratiko 'Faktoria' saioak egindako elkarrizketa batean Alvarezek esan duenez, unibertsitateak 2021ean abiatu zuen lehen ikerketa, Elizaren biktimak identifikatzeko, eta duela bil hilabete inguru aurkeztu zuten. Lan hori "oinarria izan da haritik tira egiteko eta orain legea garatzeko".
Garapen hori egiteko modua askotarikoa izan daiteke, eta, horren esanetan, "eredu asko ikusten ditugu, eta (zeinen alde egin) erabaki beharko da legearen negoziazioaren testuinguruan".
"Ikerketa independente bat egin beharko litzateke, batzorde batean erabaki zein elementu egon beharko diren, profilak, artzapezpikutzaren aldetik nor egon beharko litzatekeen" eta abar. "Nafarroako Elizak ez dut uste lagunduko duenik, autonomia erkidego baten barruan egingo da legea, eta eskumen mugatuak ditu; batzordea noraino heltzen den ikusi beharko da", erantsi du Alvarezek.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.