Haur-eskola "duinak" aldarrikatu dituzte milaka lagunek Iruñean
Milaka lagun, 2.500 inguru Gobernuko Ordezkaritzaren arabera, manifestatu dira larunbat honetan Iruñean, Nafarroako 0-3 Plataformak deituta, haur-eskola "duinak" aldarrikatzeko. Gainera, haur-eskolen langileentzako lan-baldintza hobeak ere eskatu dituzte, izan ere, sei egun daramatzate greba mugagabean.
13:00ak pasata abiatu da mobilizazioa, Konstituzio Plazatik, "Haur-eskola duinen alde" lemapean. Haur-eskola anitzek bat egin dute deialdiarekin, eta manifestariek zapi eta puxika horiak zeramatzaten. Martxan zehar, "Gutxiespen gutxiago, negoziazio gehiago" eta "Ratioen murrizketa, soldaten igoera" bezalako oihuak bota dituzte.
Iruñeko kaleak zeharkatu eta Gaztelu Plazan bukatu dute manifestazioa, eta 0-3 Plataformak agiria irakurri du. "Eztabaidatzeko saiakerek ez dute arrakastarik izan", deitoratu du plataformak, "gu gutxiesten jarraitzen dute". Foru Gobernuari esan diotenez, "negoziazioa eta eztabaidatzea premiazkoak dira, ez dira beste alde batera begira jarraitu".
Sei egunez greba mugagabean
Eider Garde haur-hezitzaileak eta plataforma horretako kideak adierazi duenez, sei egun daramatzate greba mugagabean, eta 0-3 urte bitarteko zikloan izaten den "prekarietateagatik haserre gaude langileok eta haurren familiak".
"Hunkituta" azaldu dira mobilizazioaren erantzunarekin, dagoeneko 59 haur-eskolek bat egiten dutelako. "Sentsazio gazi-gozoa da, guk ez genuelako nahi greba mugagabea deitzea; oso gogorra izaten ari da guretzako, gure alorrean bereziki prekarietatatea itzela baita", gaineratu du.
Nafarroako Gobernuak "sen ona" berreskuratzea espero dute, eta "mahai batean eragile aktibo gisa gu entzunaraztea, erakunde publikoetan ordezkaritza ofizialik ez dugun bitartean". "0-3 zikloaren langileen beharrak batzen dituen elkarte bakarra gara, eta ratioen beherakada eta soldaten igoera bezalako premiazko eskaerak egin ahal izateko, elkarrizketa-mahaia eskatzen jarraituko dugu", amaitu du Eider Gardek.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.