14 urteko espetxe zigorra ezarri diote Barakaldon bikotekide ohia hil zuen emakumeari
Bizkaiko Probintzia Auzitegiak 14 urteko espetxe zigorra ezarri dio 2020an Barakaldon bikotekide ohia, 62 urteko gizon bat, hil zuen emakumeari. Epaimahaiak errudun jo zuen duela bi aste, homizidioagatik. Senidetasun larrigarria leporatu zioten; ez, ordea, hilketa azpikeriaz egin izana.
Horrenbestez, epaileek bat egin dute Fiskaltzak eta akusazio partikularrak egindako espetxe zigor eskaerarekin.
Auzia 2020ko azaroan hasi zen. Garai hartan, uztailetik desagertuta zegoen gizon baten hankak topatu zituzten Arrontegi auzoan. Gorputz osoa ez da inoiz agertu.
Epaiak frogatutzat eman du ekainaren 16tik 17rako gauean akusatua eta biktima gizonaren etxean zeudela. Une batean, andreak labana bat hartu, eta bikotekide ohia sastatu zuen, "hura hiltzeko asmoz". Gizona handik gutxira hil zen, zauri horren ondorioz.
Era berean, epaileek gogorarazi dute epaimahaiak ez zuela egiaztatutzat eman emakumea sexu eraso baten biktima izaten ari zela une hartan. Eta hala izan balitz ere, kalte edo mina egiteko asmoa berdina litzatekeela ondorioztatu dute. Izan ere, gorputz-enborreko ezkerraldea sastatzeak heriotza eragin dezakeela jakin behar zuen erasotzaileak.
Epaiaren arabera, biktimak eta erasotzaileak harreman sentimentala izan zuten iraganean, "modo ez jarraituan", baina homizidioa gertatu zen unean ez ziren bikotekideak. Elkarrekin bizi ziren, bai, baina emakumea etxegabetu zutelako eta seme txikien zaintza ez galtzeko.
Emakumea kokaina kontsumitzailea izan zen eta horrek "nahasmendua" eragin ziola aitortu zuten epaimahaikideek, baina gaineratu zuten horrek ez zuela eraginik izan haren "borondatean eta gaitasun kognitiboan".
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.