Sutea izan da Irungo etxebizitza batean eta 11 pertsona artatu dituzte kea arnasteagatik
Sutea piztu da bart Irungo etxebizitza batean, eta 11 pertsona artatu behar izan dituzte kea arnasteagatik, Eusko Jaurlaritzako Segurtasun Sailak jakinarazi duenez. Horietako bost ospitaleetara eraman behar izan dituzte eta bik bertan jarraitzen dute oraindik.
Sua 01:55ean hasi da Casto Cantero kaleko 4. zenbakiko etxebizitza batean. Etxe horiek egurrezkoak dira eta eraikinak babestuta daude.
Hasiera batean 50 pertsona beren etxeetatik aterarazi dituzte, baina garrak itzalita, gehienak itzuli ahal izan dira, 4. zenbakikoak izan ezik. Udal teknikariek egiaztatu dute suak ez duela egitura kaltetu eta egunean zehar falta diren bizilagunak bueltatzea aurreikusten dute.
Ertzaintzak ikerketa abiatu dute sua zerk piztu duen argitzeko. Lehen hipotesien arabera, egongelan hasi da.
Egurrezko eraikinak ez du egiturazko kalte handirik
Cristina Laborda Irungo zinegotziak kazetarien aurrean egindako adierazpenetan azaldu duenez, udaleko arkitektoak eta arkitekto teknikoak egurrezko eraikina berrikusi dute eta ondorioztatu dute ez duela egiturazko kalte handirik. "Sutea piztu den puntu zehatza kenduta, gainerako etxebizitzak, beheko solairukoak eta goiko solairuetakoak, egoera onean daude", gaineratu du.
Horren arabera, aipaturiko eraikina "laster birgaitzeko" asmoa zuten.
Albiste gehiago gizartea
1936an Valcalderan fusilatu zituztenei omenaldia Iruñean eta Cadreitan
Frankistek hildako 51 errepublikano horien senideak eta ordezkari politikoak berriro elkartu dira sarraskiaren 89. urteurrenean omenaldia egiteko. Iruñeko errepublikanismoaren eta sindikalismoaren intelektualak eta buruzagi nabarmenak ziren.
Salamancako boluntario bat hil da eta bost dira jada baso-suteen ondorioz Espainian hildakoak
Antza denez, boluntario gisa parte hartu zuen Ciperez (Salamanca) herrian piztutako sutea itzaltzeko lanetan, eta kea arnasteagatik ospitaleratu eta egun batzuetara hil da. Gaztela eta Leongo Juntak, berriz, oharra kaleratu du heriotza horrek suteekin inolako loturarik ez duela esanez.
Itzulera operazioak auto-ilara luzeak eragin ditu ostiralean mugan
AP-8 autobidean 11 kilometrorainoko auto-ilarak izan dira ostiral arratsaldean Irunen, Biriatuko mugatik aurrera. Irungo Udaltzaingoak AP-8aren Oinaurreko irteera itxi du, hirigunean kolapsoa saihesteko; izan ere, Frantziarantz doazen ibilgailuek bide alternatibo hori erabiltzen dute askotan auto-ilarak saihesteko.
PACMAk elkarretaratzea egin du Bilbon tauromakiaren aurka
Dozenaka pertsona bildu dira gaur arratsaldean Bilboko Vista Alegre zezen-plazaren aurrean, Aste Nagusian antolatutako zezenketen aurka. PACMAk "tratu txarrik eta heriotzarik gabeko jai herrikoiak" egitearen aldeko apustua egin du, "kultura eta tradizioa animalien sufrimendurik gabe ospa daitezen".
Erasoen aurkako protokoloaren bigarren fasea aktibatu dute Bilboko Konpartsek
Lapiko jotzea egingo dute txosnetan ostiraletik larunbaterako gauean, eta larunbatean, abuztuak 23, giza kate batean parte hartzeko deia egin dute.
Irungo haztegi batek zaintza zerbitzua eskaintzen du bonsaientzat
Lana, oporrak edo osasun arrazoiak direla eta, gero eta gehiago dira zerbitzu hau erabiltzen dutenak. "Goi-denboraldian, abuztuan batez ere, haztegia ia beteta dugu", adierazi du Javier Lumbreras Irun Bonsaiko arduradunetako batek.
Arrantza-ontzi bat identifikatu dute Donostian legez kanpoko bazterkinak uretara botatzegatik
Guardia Zibilak Laredoko itsasontzi bati egotzi dio Monpaseko uretan 700 kilo boga isurtzea, Eguzki talde ekologistak salaketa jarri ostean.
Pedro Sanchezek Presidenteen Konferentziara eramango du suteen gaia, eta ministerio arteko batzorde bat sortuko du
Eusko Jaurlaritzak dituen egoitzetara bidean dira Gasteizko kaleetan bizi ziren maliarrak
Gasteizko kaleetan bizi ziren 50 maliarretako dozena bat inguru Eusko Jaurlaritzaren egoitzetara eramaten ari dira gaur goizetik. Horrela, aldi baterako irtenbidea eman nahi diete asilo-eskaerak izapidetzeko zain dauden pertsona horiei.
Suteek 600 milioi eurotik gorako kalteak eragin dituzte, Nekazari eta Abeltzain Erakundeen Koordinakundearen arabera
Javier Fatas COAG Nekazari eta Abeltzain Erakundeen Koordinakundeko ordezkariaren arabera, "hondamendi egoera" da Estatuko hainbat tokitan, 350.000 hektarea baino gehiago erre baitira, bereziki mendebaldean. Kaltetutako eremuen artean, laborantza, abeltzaintza edo baso aprobetxamendurako lurrak daudela azpimarratu du.