Paueko Auzitegiak atzera bota du Euskal Hirigune Elkargoak pisu turistikoak mugatzeko onartu zuen araudia
Paueko Auzitegiak bertan behera utzi zuen atzo iluntzean, Ipar Euskal Herriko egitura administratibo gorena den Euskal Hirigune Elkargoak bizitegi turistikoak arautzeko onartu zuen konpentsazio sistema. Araudiaren helburua etxebizitza turistikoen hazkundea mugatzea zen, eta horretarako, hainbat baldintza ezartzen zizkien etxebizitza turismo merkatura atera nahi zuten jabeei. Zorrotzena, agian, pisu edo etxebizitza bat turismora bideratu nahi duenak urte osoko alokairura atera behar duela beste etxebizitza bat.
Elkargoak martxoan onartu zuen neurria Ipar Euskal Herriko 22 herritarako; Lapurdi kostako herri guztiak, tartean, eta aste honetan, ekaineran 1ean, sartu zen indarrean. Etxejabeen Kolektiboak salaketa aurkeztu zuen neurriaren kontra, eta Paueko Auzitegiak arrazoia eman die orain azken horiei.
Araudia bertan behera geratu eta gero, urgentziazko prentsaurrekoa eskaini zuten atzo iluntzean elkargoko arduradunek euren haserrea adierazteko eta helegitea aurkeztuko dutela jakinarazteko.
Jean Rene Etchegaray Baionako auzapez eta Euskal Hirigune Elkargoko lehendakariak esan zuen "kataklismoa" dela Pauko Auzitegiaren erabakia.
Etxegarairen hitzetan, "irabazi hutsa helburu hartuta, azken bi urteetan etxebizitzen esplotazioan" aritu diren higiezinei eman die arrazoi Auzitegiak eta iragarri zuen Elkargoak astelehenean bertan jarriko duela helegitea Frantziako Estatu Kontseiluan. Hori bai, hilabeteak beharko dira erakunde horrek ebazpena emateko, eta bien bitartean, orain bezala jarraituko du egoerak.
Euskal Elkargoko ordezkariek larunbat honetan egindako bileran berretsi dutenez, "atsekabetuta eta harrituta" daude erabakiarekin eta epaileek ez dutela "interes orokorra" kontuan hartu uste dute.
Beste hainbat eragile ere Auzitegiaren ebazpenaren aurka agertu dira. EH Baik salatu du "herritarrek bertan bizitzeko duten eskubidea urratzen" duela erabakiak eta Alda mugimenduak, berriz, "etxebizitzaren lobbyarekin bat egitea" leporatu dio Auzitegiari.
CONTENIDO NO ENCONTRADO
Iparraldeko etxebizitzen ia herena bigarren etxebizitzak dira eta hutsik daude
Etxebizitzaren inguruko auzia arazo garrantzitsu bihurtu da azken urteetan Ipar Euskal Herrian, kostaldeko herrietan, batez ere. Gaur, hain zuzen ere, Herrian Bizi plataforma sortzeko Biltzar Nagusia egingo dute Hiriburun, eta sortze-ekitaldia etxebizitzaren gaiaz gogoeta egiteko baliatuko dute. 30 bat eragilek hartu dute parte bileran eta plataforma eratzeaz gain, kontzentrazioa deitu dute asteazkenean, Euskal Hirigune Elkargoaren egoitzaren aurrean, konpentsazio-araudiari babesa agertzeko.
Hainbat mugimendu izan dira etxebizitzaren gaiarekin azken urtean. Euskal Hirigune Elkargoak tokiko lehen etxebizitza plana onartu zuen iazko apirilean, etxebizitza sozialak bultzatzeko, besteak beste. Azaroan, berriz, 8.000 lagun atera ziren kalera Baionan, Iparraldeko etxebizitzen ia herena bigarren etxebizitzak direla salatzera. Eta aurten, Euskal Hirigune Elkargoak bost urte bete dituenean, lurraldearen garapenerako lehentasunak etxebizitza eta hezkuntza izan behar direla adierazi zuten biltzar nagusian.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.