Bulego, ETS, Mikel Urdangarin, El Drogas, Ana Mena eta Dani Fernandez ariko dira Bilboko Aste Nagusian
Bilbo motorrak berotzen hasi da Aste Nagusia 2022rako, eta, prestaketa lanetan buru-belarri murgilduta, jarduera eta kontzertuen agenda osatzen hasi da.
Bilboko Udalak Abandoibarran eta Europa Parkean joko duten lehen talde eta artistak baieztatu ditu.
Mikel Urdangarinek eta Bilbao Orkestra Sinfonikoak emango diote hasiera kontzertuen programari, abuztuaren 20an, Abandoibarran, 23:30etik aurrera, "100/25 BOS-Mikel Urdangarin" proiektuarekin. Urdangarinen dozenatik gora kantu esanguratsu orkestrara egokitu dituzte emanaldi honetarako.
Astelehenean, abuztuaren 22an, rockaren klasiko baten txanda izango da ordu eta leku berean: El Drogas. 80ko hamarkadan sortu zuen Barricada taldearen 40. urteurrena ospatzeko, musikariak talde nafarraren abestiz osatutako errepertorioa joko du.
Asteazkenean, hilak 24, 00:00etatik aurrera, Europa Parkeko kontzertuak irekitzeaz arduratuko dena, pop-hiritarraren promesa handienetako bat izango da, Ana Mena artista. Pop-soularen eta dance-poparen arteko fusioarekin gozatuko ditu entzuleen belarriak.
Ostegun gauean, abuztuaren 25ean, Abandoibarrako agertokira igoko dira Azkoitiko Bulego taldeko bost kideak, euren pop bizi eta argitsuarekin, bertaratzen den guztia dantzan jartzeko asmoz. Taldearen energia musikalak, entzuleak harritzeko grina nekaezinaz gain, euskal musikaren esparruan promesa berrietako bat bihurtzen ditu.
Ostiraleko gauean, hilak 26, batetik, Auryn boybandeko kide izan zen Dani Fernandez ariko da, bere ahots urratuaz Abandoibarran 23:30ean; eta, bestetik, En Tol Sarmiento (ETS) Europa Parkean ariko dira 00:00etan. Boskote errioxar-arabarrak ikusleak mugiaraziko ditu bere ska abesti dantzari eta dibertigarriarekin.
100 emanaldi baino gehiago doan
Bilboko Udala doako 100 musika-jarduera baino gehiago prestatzen ari da bere programan gustu eta publiko guztientzat hiriko zortzi agertokitan. Gaurkotasun handiko taldeak egongo dira, baina musika klasikoa eta bilbainada tipikoak ere ez dira faltako.
Jarduera guztiak doakoak izango dira eta musika estilo bakoitzak, urtero bezala, bere lekua eta kokapena izango ditu.
Baieztatutako kontzertuak:
Abandoibarra. 23:30ean
Larunbata 20: Mikel Urdangarin + Bilboko Orkestra Sinfonikoa (BOS)
Astelehena 22: El Drogas
Osteguna 25: Bulego
Ostirala 26: Dani Fernandez
Europa parkea 00:00etan
Asteazkena 24: Ana Mena
Ostirala 26: En Tol Sarmiento (ETS)
Zure interesekoa izan daiteke
Almeriako sutea: 12 pertsona hil dira, beste 23ren berririk ez dago eta lau zauritu larri daude
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Larrialdi zerbitzuek lanean dihardute Ezkarain bost pertsona ebakuarazi dituen sutea itzaltzeko
Ostegun gauean Ezkaraiko Ayabarrena auzo inguruan piztutako baso-suteak aktibo jarraitzen du, eta jada 105 hektareari suntsitu ditu. Errioxako Gobernuak emandako lehen hipotesien arabera, inguruan izandako ekaitzaren tximista batek jota piztu da sutea. Sutearen bilakaerak prebentzioz bost pertsona Ayabarrenatik ateratzera behartu ditu, eta larrialdi-taldeek lanean jarraitzen dute suaren hedapena gelditzeko.
Auzitegi Nazionalak bi agintari militar israeldar ikertuko ditu Global Sumud Flotillako kideak atxilotzeagatik
Epaileak ez ditu tramiterako onartu Israelgo ontzietan edo Israelgo lurraldean egindako gertakariei buruzko kereilak, uste baitu tripulatzaileak Israelera eraman zituztenetik gertakariak jada kanpo geratzen direla ontzian bertan egindako delituetatik.
1.000 agente baino gehiago izango dira aurten Baionako bestetan segurtasuna bermatzen
Sexu erasoez gain, 2023an eta 2024an izandako bortizkeria kasuak saihestu nahi dituzte agintariek. Adingabeen gurasoei "arduraz" jokatzeko deia egin diete mozkortutako adin txikikoekin arazorik ez izateko.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.
Altza eta Pasaia artean Topoaren maiztasuna bikoiztuko dute uztailaren 18tik aurrera
Saihesbide berriari esker, Amararekin lotura 7,5 minutuan behin egingo dute trenek. Martxan jarri arte, hilabetez, ibilbide berrian trebatzen egon dira 150 makinista.
Linea elektrikoko zutoin baten erorketa izan daiteke Almeriako sutearen jatorria
Los Gallardos herritik gertu dagoen errepide bazter batean hasi zen sua, bi puntatan argindarra zuen kable apur bat tarteko. Haize biziaren ondorioz, bi orduan 15 kilometrotan barrena zabaldu zen sua.
Zuzendu dituzte euskaraz egindako baxoko matematikako azterketak
Proba euskaraz egiteko hautua egin zuten ikasleak zoriondu egin ditu Seaskak. "Egoera korapilatsua eta nahasgarria izan arren, ausardiaz eta erantzukizunez jokatu dute", esan du Ipar Euskal Herriko ikastolen federazioak.
Kamioien trafikoa debekatuta egongo da Euskadin abuztuaren 12an, eklipsea dela eta
CETMren arabera, neurri horrek nabarmen handituko ditu kate logistiko osoaren kostuak, eta erabakia berriz aztertzeko eskatu dio Eusko Jaurlaritzari.
Hamabi sexu-eraso salaketa eta hamar atxilotu, sanferminetako lehen lau egunetan
Aurtengo San Fermin jaiek bidearen erdia egin dutenean, Inma Jurio Nafarroako Gobernuko Barneko, Funtzio Publikoko eta Justiziako kontseilariak orain arteko segurtasun-balantzearen berri eman du.