Afrikako Batasunak ikerketa eskatu du Melillako hesian gutxienez 23 lagun hil ondoren
Moussa Faki Mahamat Afrikako Batasunaren Batzordeko presidenteak "hunkipena eta kezka" adierazi du, ikusita "afrikar migratzaileek Marokoren eta Espainiaren arteko mugan pairatzen duten tratu bortitza eta iraingarria"; halaber, ikerketa eskatu du, ostiralean Melillako hesian gutxienez 23 lagun hil ondoren. Hori bai, Giza Eskubideen Marokoar Elkarteak ziurtatu du gutxienez 27 migratzaile hil zirela gertakarian, eta Caminando Fronteras Gobernuz Kanpoko Elkartearen arabera, aldiz, 37 dira. Bitartean, Melillako presidentearen iritziz, hesian jazotakoa "lazgarria" izan da: "Guardia Zibilak ahal duena eta gehiago ere egiten du".
Hala, Mahamatek, Afrikar Batasunaren ohar batean, zehaztu du "berehalako ikerketa" eskatzen duela horren gainean: "Herrialde guztiei gogorarazten diet beharra dutela nazioarteko zuzenbidepean migratzaileak duintasunez tratatzeko, eta horien segurtasunari eta giza eskubideei lehentasuna emateko. Halaber, indar handiegia erabiltzea ere saihestu behar dute".
Ostiralean, Saharaz hegoaldeko 2.000 bat lagun, makilak eta harriak aldean zituztela, Melillako hesirantz joan ziren, Marokoren eta Espainiaren arteko mugarantz, espainiar lurraldean sartzeko asmoz. Marokoko indarrak, aldiz, migratzaileak geldiarazten saiatu ziren, borrak, gas negar-eragileak eta gomazko pilotak baliatuz.
De Castro: "Ankerkeria da, arazo larria dugu"
Testuinguru honetan, Melillako presidente Eduardo de Castroren iritziz, Melillako hesian ostiralean jazotakoa "bortitza eta lazgarria" izan zen; De Castrok eskatu du muga-perimetroa eta lurraldeko segurtasuna eta osotasuna indartzea: "Gertatzen ari dena ankerkeria da. Arazo larria dugu".
"Europar Batasunak onartuta du uhartetasunaren arazoa, eta kontuan izan behar da. Estatus berria bilatu beharko da Ceutarako eta Melillarako, europar ikuspuntutik", gehitu du. Galdetu diotenean honelako egoerei aurre egiteko moduko baliabide nahikorik dauden, honako hau erantzun du: "Hau berriro ez gertatzea ez dago Segurtasun Indarren eta Gorputzen esku; Saharaz azpikoek hesia izatearen araberakoa da, ordea".
Melillako presidentearen arabera, errua ez da espainiar segurtasun-gorputzena; izan ere, haren iritziz, "Guardia Zibilak ahal duena egiten du, eta gehiago ere".
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.