Langile bat zauritu da Bilbon, lokal bateko sabaiaren zati bat erorita
Bilbon, langile bat zauritu da astelehen arratsaldean lanean zegoen lokaleko sabaiaren zati bat erorita, Poza Lizentziatuaren kalean. Istripuaren ondorioz, bi eraikinetako bizilagunak etxetik atera dituzte, badaezpada. Langilea Gurutzetako ospitalera eraman dute, baina ez omen dago larri.
Ertzaintzak 18:30 aldera izan zuen lan-istripuaren berri, Poza Lizentziatuaren kaleko lokal batean, obra batzuetan. Aldamenean egiten ari diren obra batzuetan makineria pneumatikoa erabiltzen ari ziren, eta horregatik gertatu omen da.
Bilboko Udaleko iturri batzuen arabera, kaleko 59. eta 61. blokeak hustu dituzte, eta udal-zerbitzuak bertako bizilagunei ostatu emateaz arduratu dira. Bizilagunak etxera bueltatu baino lehen, eraikinean eskoramendu-lanak egin beharko dituzte, baina ez omen dago egiturazko kalterik.
Lokaleko sabaiaren zati bat behera etorri da, eraikineko etxebizitzetako argien patioaren zorua hain zuzen, eta langileetako bat zauritu egin da. Ez dago larri, eta Gurutzetara eraman dute.
Baliteke bizilagunak asteartean bueltatzea
Bilboko Udalaren iturri batzuek asteartean azaldu dutenez, eraikinaren integritatea ez dago eztabaidan, eta egitura ondo dago, baina elementu bat "eskoratu" beharko dute, bizilagunak etxera bueltatu aurretik. Lan hori obrez arduratzen ari den enpresak hartuko du, eta Udalak gainbegiratuko du. Hori eginda, bizilagunek aukera izango dute etxera bueltatzeko; baliteke hori astearte honetan bertan izatea, baina ez dago erabat baieztatuta.
Euskadi Irratiak dioenez, Udaltzaintza jazotakoa ikertzen ari da.
Zure interesekoa izan daiteke
Ekaitz Pau, Gorlizko alkatea: "Udaltzaingoaren auto bat bidali arren, hark alde egitean eraso zioten etxeari"
Uribe Kosta institutuko irakaslearen jazarpen kasuaren harira, Ekaitz Pau Gorlizko alkateak azaldu du gaiaren berri izan zuela irakaslea bera Udalarekin harremanetan jarri zenean, azken erasoa baino egun batzuk lehenago. Dioenez, alde guztiekin harremanetan jarri da, eman beharreko pausoak zeintzuk izan behar diren erabakitzeko, eta azpimarratu du ez dela institutuko gauza isolatu bat, gizarte osoari eragiten diona baizik.
Emakume bat hil da N-121-A errepidean, Beran, lau ibilgailuren artean izandako istripuan
Biktima Lesakakoa da. Gainera, bi pertsona zauritu dira, eta Irungo eta Donostiako ospitaleetara eraman dituzte.
Gripeagatik ospitaleratuta daudenen kopurua iaz baino bost aldiz handiagoa da EAEn
Osakidetzak eta Osasun Sailak txertaketaren garrantzia azpimarratu dute arnas gaixotasunen prebentzio gisa, eta "erne egoteko" eskatu dute Eguberrietara begira.
Plantazio handiak hedatzen ari dira, eta saguzarrak eta Amazonia mehatxatzen dituzte
Brasilgo Amazonian, plantazio handiek saguzar frugiboroen (frutajaleen) bizimodua hankaz gora jarri du. Funtsezko espeziea da bertako haziak eta landaredia mantentzeko. Monolaborantzak eremuan zehar mugitzea galarazten die saguzarrei, eta horrek oztopatzen du haziak barreiatzea. Saguzarrek garraiatutako hazi bakoitzak ikaragarri laguntzen du zuhaitz, fruitu, baso eta sabanak birsortzen. Amazonia babesteko beharrezkoak dira.
Barnahus, sexu-abusuen biktima izan diren adingabeei arreta integrala emateko EAEko lehen zerbitzua
Arreta "homogeneoa eta koordinatua" emango zaie Barnahus etxean sexu-indarkeria pairatu duten haur eta nerabeei; espazio bakarrean jasoko dituzte osasun, hezkuntza, gizarte, polizia eta justizia zerbitzuak.
EAEko Auzitegi Nagusiak 88 urtera igo dio kartzela zigorra 11 adingaberi sexu-abusuak egiteagatik zigortutako Hondarribiko surf monitoreari
Gipuzkoako Auzitegiak 71 urte, 5 hilabete eta 9 eguneko kartzela ezarri zion, eta, hortaz, 17 urte gehituko zaizkio. Dena den, epaia ez da irmoa eta helegitea jar dakioke Auzitegi Gorenean.
Gizon bat atxilotu dute Iruñean, kirol-klub bateko garagardo txorrota irekita utzi eta 450 litro alferrik galdu direlako
Gauez gertatu zen, ostalaritza-establezimendua itxita zegoela. Poliziak jakinarazi duenez, ustezko egilea bertan sartu zen eta garagardo-zisterna bateko txorrotari eragin zion, baimenik gabe.
EAEko emakumezko erizainen ia erdiek diote komentario sexistak jasan dituztela
Euskadiko emakumezko erizain eta fisioterapeuten ia erdiek iruzkin iraingarriak jasan dituzte, SATSE Erizainen Sindikatuak egindako inkesta baten arabera. Kasuen % 85 baino gehiago ez dira salatzen. Ikerketa Emakumearen aurkako Indarkeria Desagerrarazteko Nazioarteko Eguna berehala izango dela eta eman ezagutzera.
Begoña Pedrosa: "Irakasleen eskubideen edo euren lanaren aurkako edozein jokabide onartezina da"
Begoña Pedrosa Hezkuntza sailburuak babesa adierazi nahi izan dio Santurtziko ikastetxe bateko ikasle talde baten jazarpenaren biktima izan den irakasleari. "Ikastetxeak Ikasleen Eskubideei eta Betebeharren Dekretuaren esparruan aurreikusitako prozedurak aktibatu ditu, eta sailetik prozesu horri laguntzen jarraituko dugu, hurbiltasun eta errespetu osoz", adierazi du Pedrosak.
Kezka Lizarra inguruan, frankismoari eta ultraeskuinari lotutako talde bat dagoelako bertan
Oinarri frankista eta ultraeskuindarra duen talde batek eraikinak erosi ditu Deierriko haran txikian, Lizarrako merindadean eta Iruñetik 40 bat kilometrora. Fundazioak sekten ezaugarri batzuk ditu, baina ez sekta gisa katalogatzeko adina.