Zeledonen Jaitsieran plazara beira sartzea debekatuta izango da beste behin
Gasteizko Udalak ostegun honetan jakitera eman duenez, aurten ere debekatuta izango da Zeledonen Jaitsieran beira sartzea Andre Mari Zuriaren plazara, hautsitako botilek eta ontziek eragin ditzaketen zauriak eta ebakiak ekiditeko. Hortaz, Udaltzaingoak eta Ertzaintzak plaza itxiko dute, eta jendea ezarriko dituzten hamar sarbide-kontroletatik soilik sartu ahalko da. Neurria 2017tik izan da indarrean, baina gogora ekarri behar da 2020an eta 2021ean ez dela egin Zeledonen Jaitsiera, pandemia tarteko.
Testuinguru honetan, Udalak zehaztu duenez, Zeledon Andre Mari Zuriaren Plazara itzuliko da datorren abuztuaren 4an, milaka herritarren aurrean. Aurreko urteetan bezala, herritarrek ezingo dute beirarik sartu, eta, horretarako, Udaltzaingoak eta Ertzaintzak plaza itxiko dute; hamar sarbide-kontroletatik soilik sartu ahalko da barrura: Hedegile kaletik, Zapatari kaletik, Errementari kaletik, Aldunditik, Prado kaletik, Dato kaletik, Posta kaletik, Olagibel kaletik, San Frantzisko aldapatik eta Loma Jeneralaren plazatik. Udalak azaldu duenez, 2019an jaiak eten aurretik ezarri zen plan bera da.
Jaietan segurtasuna bermatzea
Neurri horrez gain, bi polizia-taldeak elkarlanean arituko dira jaietan zehar herritarren segurtasuna bermatzeko. Kaleko lana areagotuko dute, bai eta airekoa ere Ertzaintzaren droneen sailarekin, "betiere, delituak ekiditeko, batez ere, sexu-askatasunaren, sexu-ukigabetasunaren, ondarearen eta pertsonen aurkakoak".
Udaltzaingoak eta Ertzaintzak modu berezian jardungo dute sexu-askatasunaren aurkako delituak prebenitzeko. Jende gehien pilatzen den tokiak, parkeak (bai hiri erdialdekoak, bai kanpoaldekoak) eta trenbidearen azpian dauden oinezkoentzako pasabideak zainduko dituzte, Udalaren esanetan. Gainera, dio iturriak, talde horrek zaintza bereziak egingo ditu etxera itzultzeko orduetan. Bi Poliziek salaketen bulegoa partekatuko dute aurten ere Olagibel kalean.
Albiste gehiago gizartea
1936an Valcalderan fusilatu zituztenei omenaldia Iruñean eta Cadreitan
Frankistek hildako 51 errepublikano horien senideak eta ordezkari politikoak berriro elkartu dira sarraskiaren 89. urteurrenean omenaldia egiteko. Iruñeko errepublikanismoaren eta sindikalismoaren intelektualak eta buruzagi nabarmenak ziren.
Salamancako boluntario bat hil da eta bost dira jada baso-suteen ondorioz Espainian hildakoak
Antza denez, boluntario gisa parte hartu zuen Ciperez (Salamanca) herrian piztutako sutea itzaltzeko lanetan, eta kea arnasteagatik ospitaleratu eta egun batzuetara hil da. Gaztela eta Leongo Juntak, berriz, oharra kaleratu du heriotza horrek suteekin inolako loturarik ez duela esanez.
Itzulera operazioak auto-ilara luzeak eragin ditu ostiralean mugan
AP-8 autobidean 11 kilometrorainoko auto-ilarak izan dira ostiral arratsaldean Irunen, Biriatuko mugatik aurrera. Irungo Udaltzaingoak AP-8aren Oinaurreko irteera itxi du, hirigunean kolapsoa saihesteko; izan ere, Frantziarantz doazen ibilgailuek bide alternatibo hori erabiltzen dute askotan auto-ilarak saihesteko.
PACMAk elkarretaratzea egin du Bilbon tauromakiaren aurka
Dozenaka pertsona bildu dira gaur arratsaldean Bilboko Vista Alegre zezen-plazaren aurrean, Aste Nagusian antolatutako zezenketen aurka. PACMAk "tratu txarrik eta heriotzarik gabeko jai herrikoiak" egitearen aldeko apustua egin du, "kultura eta tradizioa animalien sufrimendurik gabe ospa daitezen".
Erasoen aurkako protokoloaren bigarren fasea aktibatu dute Bilboko Konpartsek
Lapiko jotzea egingo dute txosnetan ostiraletik larunbaterako gauean, eta larunbatean, abuztuak 23, giza kate batean parte hartzeko deia egin dute.
Irungo haztegi batek zaintza zerbitzua eskaintzen du bonsaientzat
Lana, oporrak edo osasun arrazoiak direla eta, gero eta gehiago dira zerbitzu hau erabiltzen dutenak. "Goi-denboraldian, abuztuan batez ere, haztegia ia beteta dugu", adierazi du Javier Lumbreras Irun Bonsaiko arduradunetako batek.
Arrantza-ontzi bat identifikatu dute Donostian legez kanpoko bazterkinak uretara botatzegatik
Guardia Zibilak Laredoko itsasontzi bati egotzi dio Monpaseko uretan 700 kilo boga isurtzea, Eguzki talde ekologistak salaketa jarri ostean.
Pedro Sanchezek Presidenteen Konferentziara eramango du suteen gaia, eta ministerio arteko batzorde bat sortuko du
Eusko Jaurlaritzak dituen egoitzetara bidean dira Gasteizko kaleetan bizi ziren maliarrak
Gasteizko kaleetan bizi ziren 50 maliarretako dozena bat inguru Eusko Jaurlaritzaren egoitzetara eramaten ari dira gaur goizetik. Horrela, aldi baterako irtenbidea eman nahi diete asilo-eskaerak izapidetzeko zain dauden pertsona horiei.
Suteek 600 milioi eurotik gorako kalteak eragin dituzte, Nekazari eta Abeltzain Erakundeen Koordinakundearen arabera
Javier Fatas COAG Nekazari eta Abeltzain Erakundeen Koordinakundeko ordezkariaren arabera, "hondamendi egoera" da Estatuko hainbat tokitan, 350.000 hektarea baino gehiago erre baitira, bereziki mendebaldean. Kaltetutako eremuen artean, laborantza, abeltzaintza edo baso aprobetxamendurako lurrak daudela azpimarratu du.