Zupiria: "60 urtetik gorakoekin eta gaitzen bat dutenekin kezka eta arreta izaten jarraituko dugu"
Omikronen azpialdaerak ekarri duen "eszenatoki berria"ren aurrean, 60 urtetik gorakoekin eta gaitzen bat dutenekin "kezka eta arreta" izaten jarraituko du Osasun Sailak, Bingen Zupiria Jaurlaritzako bozeramaileak azpimarratu duenez.
Kutsatzeek gora egin dutela eta, zuhurtziarako deia egin zuen atzo, ohar bidez, Osasun Sailak, eta hain justu, egoera epidemiologikoaren inguruan galdetu diote kazetariek Zupiriari gobernu bileraren osteko prentsaurrekoan.
Gotzone Sagardui Osasun sailburuak gobernu bileran egindako gogoeta zertan izan den azaldu du Zupiriak: "Sailburuak gogorarazi digu azken hilabeteotan azpimarratu duen ideia hori: covidari aurre egiteko neurri batzuk arindu diren arren, pandemiak hor jarraitzen duela".
Hori horrela, Osasun Saila eta Osakidetza "adi-adi" egon beharko dira ikusteko azpialdaera horrek erietxeen arretan "tentsiorik sortzen" duen. Izan ere, Zupiriaren hitzetan, ikusteko dago txertoei esker edo gaixo egoteagatik lortutako babesa nahikoa ote den azpialdaera horren aurrean.
"Eszenatoki berri" hori Europa osoan dago, eta han ere "adi" daude gaixotasunak har dezakeen bidearekin eta aurre egiteko hartu behar diren neurriekin. Bozeramailearen esanetan, erabakitzeko dago "zein den egoera berri horri aurre egiteko txertaketa estrategia onena".
Zupiriak berretsi egin du ospitaleetako okupazioak gora egin duela, baina kasuak arinagoak direla. "Egoera ez da joan den udazkenean edo udan izan genuena", aitortu du. Dena dela, ohartarazi duenez, "60 urtetik gorakoen artean eta gaitzen bat dutenen artean eragin arriskutsua" izan dezake eta, hortaz, horiei arreta ematen jarraituko dutela azpimarratu du.
Azkenik, jaietan pertsonen arteko harremanek gora egiten dutela eta, Zupiriak festak "aire librean eta ondo aireztatutako lekuetan" egitearen alde egin du, eta honako gomendioak eman ditu: txertaketa pauta osatzea, norberaren higieneari eustea, eta "pertsona nagusiekin eta gaixo daudenekin oso kontuz" ibiltzea.
Generalitateak bat egin du EAEk eta Galiziak egindako eskaerarekin
Era berean, Zupiriak iragarri du Josep Maria Argimon Kataluniako Gobernuko Osasun kontseilariak bat egin duela EAEko eta Galiziako osasun arduradunek Lehen Arretako egoera konpontzeko sinatutako manifestuarekin.
Bozeramaileak argitu du gobernu bileran ez dutela atzo kaleratu zen agiria hizpide hartu, baina jakinarazi du Generalitateak ere bi erkidegoek izenpetutako adierazpena sinatuko duela, eta horren defentsa egingo dutela hirurek biharko (asteazkena) Lurralde arteko Batzordean.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.