Sanferminetako hirugarren entzierroa zirraragarria, azkarra eta oso jendetsua izan da
Zirraragarria, azkarra, eta oso jendetsua; horrelakoa izan da 2022ko San Fermin jaietako hirugarren entzierroa, larunbat honetan; izan ere, une arriskutsuak bizi izan dira, bi minutu eta erdi baino gutxiago behar izan dute Jose Escolar ganadutegiko zezenek ibilbidea burutzeko, eta milaka korrikalarik parte hartu dute, espero zenez, kontuan izanik larunbata dela. Lagun batek adarkada jasan du.
Hala, hirugarren entzierro honetan korrikaldi politak izan dira, zezenak eta joaldunak luzatuta ibili baitira. Hori bai: Jose Escolar ganadutegiko zezenek, Iruñean izan diren aurreko bost urteetan, batzuetan atzera jo dute, edo hori egiteko keinua egin, baina aurten, aldiz, elkarrekin egin dute ibilbidea, eta jarrera zintzoa erakutsi.
Zezenak baturik diote entzierroari, joaldunak buru zeudela, eta hala egin dute topo korrikalariekin Santo Domingo aldapan; nolanahi ere, apurka-apurka, zezenek hartu dute aurrea, eta euren markatu dute erritmoa, baina ez dira alboetara desbideratu.
Lehen albisteen arabera, pertsona bat adarkatua izan da, eta hainbat lagunek kolpeak hartu dituzte. Guztira, zortzi zauritu omen daude. Egunean zehar eguneratuko dugu informazio hori.
Zezenak trinko ibili badira ere, Santo Domingoko bigarren tartean ikusi ahal izan dugu bi taldetan zebiltzala, joaldunek lotuta. Estafetan, hiru zezen jarri dira aurrealdean, eta korrikalariek gozatzeko aukera izan dute; izan ere, zezenek aldaketarik gabeko erritmoari eutsi diote, eta jendea adarretara gerturatu ahal izan da.
Osasun-zerbitzuen lehen txostenaren arabera, entzierroa amaituta zazpi lagun eraman behar izan dituzte ospitalera; horietako batek adarkada jasan du, Espoz y Minan; ez omen dago larri.
Makadurak jaso dituztenei dagokienez, bi lagun Mercaderesetik eraman dituzte ospitalera, bata besoan kolpea jasota, eta bestea itxuragabetasuna izan duela eskuineko besoan. Espoz y Minatik, beste lagun bat eraman dute, besoan itxuragabetasuna izan duelako. Telefonica kalean, korrikalari batek aurpegi-masailetako makadura jasan du, eta beste batek, aldiz, makadura torazikoa.
Albiste gehiago gizartea
Gizon bat atxilotu dute Portugaleteko taberna batean beste bati aizkoraz erasotzeagatik
Atzo 20:00etan gertatu zen erasoa. Biktimak zauriak ditu eskuetan eta bizkarrean.
Albiste izango dira: Saretzen txostena, PSNren krisia eta Errefuxiatuen Mundu Eguna
Gaurkoan albiste izango direnen laburpena, bi hitzetan.
Oñatiko Larraña Etxeak 20 nazionalitateko 100 errefuxiatu hartzen ditu
Zentroa kudeatzen duen Zehar-Errefuxiatuekin elkarteak salatu du Atzerritarrei buruzko Legearen Erregelamenduaren azken erreformak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.