La Palmosillako zezenek ziztu bizian egin dute laugarren entzierroa, milaka korrikalariren artean
La Palmosillako zezenek ziztu bizian egin dute laugarren entzierroa, igande honetan; izan ere, bi minutu eta hogeita bederatzi segundo besterik ez dituzte behar izan ibilbidea amaitzeko. Milaka korrikalari ibili dira zezenekin batera, eta hainbat eroriko izan dira, ondorioz. Lehen informazioen arabera, lau lagun eraman dituzte ospitalera, eta denak arin zaurituta daude; zezenek ez dute inor adarkatu.
La Palmosillako zezenek, gaur arte, parte-hartze bakarra zuten sanferminetan; hain zuzen, 2019an izan zen, eta orduan ez zuten inor adarkatu eta abiadura-marka ezarri zuten. Orain ere, jarrera zintzo hori berretsi dute, eta kontzentratuta ibili dira, nahiz eta arriskuko uneak ere izan diren.
Zezen-taldea baturik ekin dio entzierroari, joaldunak buru; azken horien artean, erdi ezkutuan, zezen beltz bat zihoan, eta horrek bat baino gehiago nahastu egin du. Korrikaldiko tentsio-uneetako batzuk Estafetan izan dira, joaldunetako bat erori baita.
Hori bai, ia hasieratik izan dira korrikalarien hainbat eroriko; Santo Domingoko aldapan bertan, bi aldeetan. Zezenak baturik joan dira Udaletxe parean eta Mercaderes kalean; bihurgunean ez dute laprast egin, eta, jarraian, azkar-azkar sartu dira Estafeta kalean barrena, joaldunek gidatuta.
Estafetan, arestian esan bezala, taldeko buruan zihoan joaldun batek irrist egin du, eta atzealdean geratu da; hori dela eta, zulo handiagoak ireki dira, jendeak korrikaldiak egin ditzan. Estafetan, luzatu egin da zezen-taldea. Zezen batek ezkerretik zihoan mutil bat bota du lurrera, eta, segituan, beste zezen batek laprast egin du eta atzean geratu da.
Telefonica tartean, taldea oso luzatuta zihoan, baina ez da arriskurik sortu. Zezen-plazan, joaldunek lagunduta, lehen bost zezenak arazorik gabe sartu dira zezentokietara; seigarrena apur bat atzeratu da, baina ez du inolako oztoporik eragin.
Gurutze Gorriak emandako eta Nafarroako Ospitaleko zuzendari Estrella Petrinak berretsitako lehen informazioen arabera, lau korrikalari eraman behar izan dituzte osasun-zentroetara, entzierroa amaituta, traumatismoak pairatu dituztelako.
Iturriak esan duenez, zaurituetako batek traumatismoa du buruan eta aurpegian, eta gainerakoek, aldiz, gorputz-adarretan.
Entzierroa hasi aurretik, 2010etik urtero uztailaren 10ean egiten dutenez, Daniel Jimeno gaztearen gurasoek semea ekarri dute gogora; izan ere, 2009ko laugarren entzierroan, duela 13 urte, Danielek adarkada jaso zuen, eta zendu zen ondorioz. 27 urte zituen.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.