Bi sutek 7.650 hektarea baso erre dituzte Landetan, eta keak Nafarroako zenbait toki estali ditu
Asteartean piztu ziren bi suteetan, 7.650 hektarea baso erre dira ostiral eguerdira arte Landetako Parke Naturalean, Landetako eta Girondako departamentuen artean. Suteek kontrolik gabe jarraitzen dute, eta, guztira 11.300 lagun inguru ebakuatu behar izan dituzte. Sutearen ondorioz, keak Nafarroako zenbait toki estali ditu, Iruñerria, esaterako.
Akitania Berriko eta Girondako Prefeturak Twitterren adierazi dutenez, 13:00etan La Teste de Bucheko sutean, 3.150 hektarea zeuden kiskalita, eta Cazauxeko hiru etxe eta bi jatetxe ere suntsitu ditu.
Ostegun arratsaldean, Cazauxeko 4.000 biztanle ebakuatu zituzten, eta kostaldeko turismo-eremu garrantzitsua den Bassin d 'Arcachonetik, kanpinetatik batez, ere, beste 6.000 lagun baino gehiago atera zituzten.
Bigarren sutean, Landirasen, suak 4.500 hektarea hartu ditu gaurko 13:00ak arte, Prefekturaren arabera. Halaber, 1.300 pertsona inguru ebakuatu dituzte eremu horretatik, Origne, Balizac eta Louchats udalerrietakoak, besteak beste.
Dozena erdi errepide itxita daude Landiras eremu horretan.
Gobernuaren ordezkaritzak azpimarratu du egoerak "kontrakoa" izaten jarraitzen duela. Kalte materialez gain, halere, ez dago biktima pertsonalik.
Suteen inguruetara ez gerturatzeko eskatu dute, pertsonak arriskuan ez jartzeko. gainera, gogorarazi dute Gironda osoa alerta gorrian dagoela sute-arriskuagatik, (5eko eskalan 4ko mailan).
Urgentziazko 5 aterpetxe girotu dira eta 1.400 pertsona hartu ahal izango dira horietan. Momentuz 370 lagun dira haietan daudenak.
1.000 suhiltzaile baino gehiago ari dira lanean sua kontrolatzen saiatzeko, besteak beste, ehun bat ibilgailu eta zazpi hidrohegazkin erabilita.
Sute-arriskuagatiko alerta gorria
Agintariek alerta gorria ezarri dute sute-arriskuagatik bai Girondako departamenduan, bai Landetakoan. Ondorioz, baso-ingurunean motordun edo motorrik gabeko ibilgailuen zirkulazioa debekatu dute 14:00etatik 22:00etara, beren eginkizuna bete behar duten zerbitzu publikoetakoak izan ezik; halaber, debekatu egin dute ordutegi horretan mozketa, basogintza, ingeniaritza zibila, ikatza egitea edo zerratzea.
Debekatuta daude, gainera, jolas- eta kirol-jarduerak, aisialdi-zentroetan eta hondartza-planaren inguruan egiten direnak izan ezik.
Gainera, gogorarazi dute landa eremuetan debekatuta dagoela sua erabiltzea, erretzea eta poxpoloak, zigarro puntak edo hondakin goriak botatzea;
baita hondakin berdeak erraustu eta kontrolatutako erreketak egitea ere; edo kanpaldi isolatua eta bibak egitea.
Debekatu egin da, halaber, piroteknia eta su artifizialak botatzea, uretan edo uretara jaurtitzen direnak izan ezik, batez ere, basoetan dauden Girondako udalerrietan, uztailaren 18ko 08:00ak arte.
Gironda alerta laranjan dago beroagatik, Frantziako hegoaldeko beste hamar departamenturekin batera; gaur, berriro, 35 gradutik gorako tenperaturak izan ditzake.
Zure interesekoa izan daiteke
Gutxienez 11 pertsona hil dira eta 19 desagertuta daude Almerian piztutako baso sutean
Dena dela, Juanma Moreno Andaluziako presidenteak esan du balitekeela 12 izatea hildakoak, gorpu bat topatu berri baitute. Gainera, zortzi pertsona zauritu dira, horietako lau larri daude. "Biktimak satarte batean sartu ziren, eta ez zegoen ihes egiteko modurik", deitoratu du Larrialdi kontseilariak.
Kontrolpean hartu dute Oñatiko Aloña mendian piztutako baso sutea
Bart tximista batek piztu du sua eta basozainek zaintza lanetan jarraitzen dute. Hala ere, sua ez da hedatzen ari.
Bederatzi pertsona harrapatu dituzte Bizkaian, gidabaimenaren azterketan kopiatzeko gailu elektronikoak erabiltzen
DGT Espainiako Trafiko Zuzendaritzak sei hilabetez azterketara aurkezteko debekua eta isun administratiboa ezarri die iruzurra egin nahi izan duten bederatzi pertsona horiei.
Alvaro Nuñezen zezenek zirrara eta abiadura jarri diote sanferminetako laugarren entzierroari
Zezenek 2 minutu eta 32 segundo behar izan dituzte ibilbidea egiteko. Guztira 9 pertsona zauritu dira, denak kolpeengatik.
Albiste izango dira: Sanferminetako laugarren entzierroa, Almeriako sutea eta Bilbao BBK Live jaialdiaren bigarrena eguna
Gaurkoan Orain-en albiste izango direnen laburpena, bi hitzetan.
Gero eta gehiago dira entzierroa barrutik grabatzen saiatzen diren korrikalariak
Isunak 600 eurotik 6.000 eurorainokoak izan daitezke, eta Udaltzaingoak 50 grabagailu kendu ditu lehen hiru entzierroetan. Gero eta lan gehiago dute udaltzainek lasterkariek sartzen dituzten kamera ezkutuak konfiskatzen, eta gero eta zailagoa da, betaurreko batzuk ere izan daitezkeelako.
Irun eta Hernani arteko tren-zerbitzua berriro etengo dute uztailaren 25etik aurrera, lanak direla eta
Bidaiarien "mugikortasuna bermatzeko," Renfek errepide bidezko garraio-plan bat jarriko du martxan.
Osakidetzak atzerapen-denboraren arabera ordainduko die anbulantzia-enpresei
Pazienteen elkarteek parte hartu dute osasun-garraioko kontratu berria egiten, 650 milioi euroko balioa duena.
Bernedoko bi amari elkarrizketa: "Bakarrik eta etsita; horrela sentitzen gara"
Bernedoko (Araba) udalekuan sexu-askatasunaren aurkako delituen biktima izan diren haurren familiek isiltasuna eten dute eta EITBrekin hitz egin dute lehen aldiz. Miren eta Leire 12 eta 14 urteko bi neskaren amak dira. Duela hamar hilabete, euren alabek kanpamentuan jasandakoak salatu zituzten. Minduta daude eta auzia publiko egin denetik bakarrik sentitu direla salatzen dute, euren alabak tratamendu psikologikoan daudela diote.
2026ko uztailaren 9ko entzierroaren unerik onenak
Sanferminetako hirugarren entzierroan, Victoriano del Rio ganadutegiko zezenak izan dira protagonista. Aurreko biak bezala, azkarra izan da (02:23) eta eroriko asko gertatu dira ibilbide osoan. Korrikalari bat adarkatu dute eta beste hamar pertsona ere zauritu dira, denak kolpeengatik.