Eusko Jaurlaritzak Osasun Publikoaren Lege proiektua onartu du
Eusko Jaurlaritzak Osasun Publikoaren Lege proiektua onartu du astearte honetan, gobernu-bileran. Lege proiektuaren helburua da euskal gizartearen osasun-arloko premia eta eskari berriei erantzun eraginkorra eta integrala emateko lege-esparru batez hornitzea.
Hain zuzen ere, Eusko Jaurlaritzaren Osasun Sailak prentsa-ohar bidez adierazi duenez, Lege proiektuaren jomuga nagusia da "euskal herritarren osasuna interes goreneko ondasun publiko gisa babestea eta sustatzea, eta pertsonek osasunaren, aukera-berdintasunaren eta ekitatearen arloetan dituzten eskubideak bermatzea".
Osasun sailburu Gotzone Sagarduik azpimarratu duenez, Eusko Jaurlaritzaren legegintza-egutegian bere gain hartutako konpromisoa beteko da. Ondoren, Eusko Jaurlaritzak Legebiltzarrera igorriko du aurreproiektua, eztabaidatu dadin, eta, hala badagokio, Euskadin osasun publikoa espezifikoki arautuko duen lehen legea izango litzatekeena onar dadin.
"25 urte hauetan", dio iturriak, "osasun publikoaren kontzeptuak berak bilakaera izan du, eta osasun-sistematik osasunaren determinatzaileetan eragina duten gainerako esparruetara hedatu da. Ildo horretan, covid-a19aren pandemiak guztiz agerian jarri du dimentsio berri hori".
Osasuna, politika guztietan
Lege-proposamenak Eusko Jaurlaritzaren ekintzaren zutabeetako bat den osasuna politika guztietan printzipioan sakontzen du, "osasunaren determinatzaileetan eraginkortasun handiagoarekin jarduteko", eta argi eta garbi zehazten ditu "esparru horretako eskumenak, prestazioak eta zerbitzuak".
Horren ondorioz, dio oharrak, "Euskadiko Osasun Publikoko Sistema sare egituratua izango da, osasun-sistemarekin eta administrazio publikoekin koordinatua, eta koordinatzeko eta parte hartzeko bi organo izango ditu; alde batetik, Osasun Publikoaren Euskal Kontseilua egongo da, eta honako hauek dira osatuko dute: Unibertsitateak, Emakundek, GKEek, kontsumitzaileek, Osakidetzak, komunikabideek, Gazteriaren Kontseiluak, pentsiodunek eta erretiratuek, auzo-elkarteek eta gizarte zibilaren gainerakoak; bestetik, Osasun Publikoaren Erakunde arteko Batzordea ere izango da. Hori osasunean eragina duten Eusko Jaurlaritzako Sailen, Udalen eta Foru Aldundien artean koordinatzeko foroa izango da".
Proposatutako testuak Euskadiko Osasun Publikoko Sistemaren funtzio eta jarduketa nagusiak zehazten ditu; laburbilduz, honako hauek dira: herritarren osasunaren eta ongizatearen zaintza (horretarako, Osasun Publikoaren Zaintza Sarea izango da funtsezko tresna); osasun-arazoen prebentzioa, eta halaber, espezifikoki, adikzioen eta mendekotasunen prebentzioa; osasunaren sustapena, gizarte-determinatzaileetara zein jokabide osasungarri indibidualetara bideratua; osasunaren babesa, elikadura-segurtasuna eta ingurumen-osasuna barnean hartuta; osasun-larrialdietan jardutea; eskola-osasuna; lan-osasuna; Euskadiko osasun publikoko laborategia; osasun publikoaren arloko informazioa eta ezagutzaren hedapena; prestakuntza, ikerketa eta berrikuntza, eta osasun-agintaritza baliatzea, kontrola eta zehapenak barnean hartuta.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.