Nafarroan indarkeria matxista sufritu duten 1.260 emakume artatu zituzten 2021ean
2021ean, 1.260 emakume eta 70 adingabe artatu zituen emakumeen aurkako indarkeriaren biktimei laguntzeko Nafarroako Gobernuaren Arreta Integralerako Taldeak. Kopuru horrek % 26,76ko gorakada izan du 2020ko datuekin alderatuta.
Horrez gain, 144 emakumek eta 139 adingabek erabili zituzten iaz Nafarroako Gobernuaren larrialdi zentroak, aterpetxeak eta bost etxebizitza sozialak.
Datu horiek emakumeen aurkako indarkeriari buruzko urteko txostenean ageri dira, eta dokumentua gaur onartu dute Batzorde Iraunkorrean.
Maria Chivite Nafarroako Gobernuko presidenteak adierazi du ezinbestekoa dela erakundeak eta administrazioak elkarlanean aritzea, "arazo larri honi aurre egiteko".
Halaber, esan du bere Gobernuak "zeharkako ikuspegiarekin" lan egiten duela emakumeen eta gizonen arteko berdintasuna lortzeko eta indarkeria matxistarik gabeko gizartea eraikitzeko.
Horrez gain, Chivitek gogoan izan ditu 2021etik hona Nafarroan eraildako bi emakumeak: Pilar Berrio eta Sara Pina.
Bestalde, Mari Cruz Lerga Berdintasunaren Nafarroako Institutuko zuzendariordeak nabarmendu du erakundeen arteko elkarlana "ona" dela, baina erantsi du oraindik asko dutela egiteko.
Ildo horretan, ohartarazi du indarkeria matxista sufritzen duten emakumeen % 80k ez dutela salaketarik jartzen.
"Indarkeria matxistarekin amaitu nahi bada, ezinbestekoa da emakumeek pairatzen dituzten desberdintasunekin behin betiko bukatzea", berretsi du.
Zure interesekoa izan daiteke
Almeriako sutea: 12 pertsona hil dira, beste 23ren berririk ez dago eta lau zauritu larri daude
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Larrialdi zerbitzuek lanean dihardute Ezkarain bost pertsona ebakuarazi dituen sutea itzaltzeko
Ostegun gauean Ezkaraiko Ayabarrena auzo inguruan piztutako baso-suteak aktibo jarraitzen du, eta jada 105 hektareari suntsitu ditu. Errioxako Gobernuak emandako lehen hipotesien arabera, inguruan izandako ekaitzaren tximista batek jota piztu da sutea. Sutearen bilakaerak prebentzioz bost pertsona Ayabarrenatik ateratzera behartu ditu, eta larrialdi-taldeek lanean jarraitzen dute suaren hedapena gelditzeko.
Auzitegi Nazionalak bi agintari militar israeldar ikertuko ditu Global Sumud Flotillako kideak atxilotzeagatik
Epaileak ez ditu tramiterako onartu Israelgo ontzietan edo Israelgo lurraldean egindako gertakariei buruzko kereilak, uste baitu tripulatzaileak Israelera eraman zituztenetik gertakariak jada kanpo geratzen direla ontzian bertan egindako delituetatik.
1.000 agente baino gehiago izango dira aurten Baionako bestetan segurtasuna bermatzen
Sexu erasoez gain, 2023an eta 2024an izandako bortizkeria kasuak saihestu nahi dituzte agintariek. Adingabeen gurasoei "arduraz" jokatzeko deia egin diete mozkortutako adin txikikoekin arazorik ez izateko.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.
Altza eta Pasaia artean Topoaren maiztasuna bikoiztuko dute uztailaren 18tik aurrera
Saihesbide berriari esker, Amararekin lotura 7,5 minutuan behin egingo dute trenek. Martxan jarri arte, hilabetez, ibilbide berrian trebatzen egon dira 150 makinista.
Linea elektrikoko zutoin baten erorketa izan daiteke Almeriako sutearen jatorria
Los Gallardos herritik gertu dagoen errepide bazter batean hasi zen sua, bi puntatan argindarra zuen kable apur bat tarteko. Haize biziaren ondorioz, bi orduan 15 kilometrotan barrena zabaldu zen sua.
Zuzendu dituzte euskaraz egindako baxoko matematikako azterketak
Proba euskaraz egiteko hautua egin zuten ikasleak zoriondu egin ditu Seaskak. "Egoera korapilatsua eta nahasgarria izan arren, ausardiaz eta erantzukizunez jokatu dute", esan du Ipar Euskal Herriko ikastolen federazioak.
Kamioien trafikoa debekatuta egongo da Euskadin abuztuaren 12an, eklipsea dela eta
CETMren arabera, neurri horrek nabarmen handituko ditu kate logistiko osoaren kostuak, eta erabakia berriz aztertzeko eskatu dio Eusko Jaurlaritzari.
Hamabi sexu-eraso salaketa eta hamar atxilotu, sanferminetako lehen lau egunetan
Aurtengo San Fermin jaiek bidearen erdia egin dutenean, Inma Jurio Nafarroako Gobernuko Barneko, Funtzio Publikoko eta Justiziako kontseilariak orain arteko segurtasun-balantzearen berri eman du.